Քաղաքականություն
06.02.2026 | 19:14
Կյանքից հեռացել է ՀՀ ֆինանսների նախկին նախարար Վարդան Խաչատրյանը։ Այդ մասին հայտնում են Ֆինանսների նախարարությունից:
«Ցավով տեղեկացանք, որ կյանքից հեռացել է ՀՀ ֆինանսների նախկին նախարար Վարդան Խաչատրյանը, որն իր նշանակալի ներդրումն է ունեցել մեր երկրի ֆինանսատնտեսական քաղաքականության ձևավորման, զարգացման, ինչպես նաև նախարարության ինստիտուցիոնալ կայացման գործում»,- ասված է նախարարության տարածած հաղորդագրությունում։
Վարդան Խաչատրյանը 1995-2000 թվականներին եղել է Ազգային ժողովի պատգամավոր, զբաղեցրել ԱԺ ֆինանսավարկային, բյուջետային և տնտեսական հարցերի մշտական հանձնաժողովի նախագահի պաշտոնը: 2000-2008 թվականներին եղել է ՀՀ ֆինանսների նախարար, 2008-2018թթ․՝ Հայաստանի Հանրապետության նախագահի խորհրդական:
