13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Ռոման Բերեզովսկին պատմել է՝ ինչու է հեռացել Հայաստանի հավաքականի մարզչական շտաբից
06.02.2026 | 11:06
Հայաստանի հավաքականի լեգենդար դարպասապահ Ռոման Բերեզովսկին պատմել է, թե ինչու է հեռացել ազգային թիմից։ Մինչև Եղիշե Մելիքյանի նշանակումը Բերեզովսկին Հայաստանի հավաքականի դարպասապահների մարզիչն էր:
«Հավաքականի գլխավոր մարզիչ նշանակվելուց հետո Եղիշե Մելիքյանը զանգեց ինձ և ասաց, որ ունի իր մարզչական շտաբը, որը բավարարում է իրեն։ Նա նշեց, որ այդ թիմի հետ վաղուց է աշխատում։
Չեմ կարող ասել, թե ինչպես կընդունեի, եթե հիմա ստանայի հավաքականի մարզչական շտաբ վերադառնալու առաջարկ: Հավաքականն ունի դարպասապահների մարզիչ և ճիշտ չի լինի խոսել այդ մասին»,- լրագրողների հետ հանդիպմանն ասել է Ռոման Բերեզովսկին։
Հիշեցնենք, որ 51-ամյա Բերեզովսկին ֆուտբոլիստի կարիերան ավարտել է 2016 թվականին։ Մարզչական կարիերայի ընթացքում նա եղել է նաև Մոսկվայի «Դինամոյի» և Երևանի «Նոայի» դարպասապահների մարզիչը, գլխավորել է ռուսական «Սոչին» ու Երևանի «Փյունիկը»։ 2020 թվականից նա Հայաստանի հավաքականի դարպասապահների մարզիչն էր, իսկ 2025թ․ սեպտեմբերին հեռացել է ազգային թիմից։
