05.02.2026 | 22:01
Դեսպան Սարմեն Բաղդասարյանը հավատարմագրերն է հանձնել Լիբանանի նախագահին
Հռոմի պապը Փաշինյանին և Ալիևին որպես «հույսի սերմնացաններ» է նկարագրել
Քաղաքականություն
05.02.2026 | 17:47
Աշխարհում, որտեղ խաղաղությունը հաճախ մերժվում է որպես հնացած ուտոպիա, իսկ եղբայրությունը՝ աբստրակտ իդեալ, Հռոմի պապ Լևոն XIV-ը հայտարարել է, որ մարդկային եղբայրությունը տեսություն չէ, այլ հրատապ անհրաժեշտություն։ Նա այս մասին ասել է փետրվարի 4-ին Մարդկային եղբայրության համաշխարհային օրվա և Զայեդի մրցանակի շնորհման կապակցությամբ հրապարակված իր ուղերձում։
Անմիջապես դիմելով մրցանակակիրներին՝ Ադրբեջանի նախագահ Իլհամ Ալիևին, ՀՀ վարչապետ Նիկոլ Փաշինյանին, տիկին Զարքա Յաֆթալիին և պաղեստինյան «Թաավոն» կազմակերպությանը՝ Հռոմի պապ Լեոն նրանց նկարագրում է որպես «հույսի սերմնացաններ այն աշխարհում, որը չափազանց հաճախ պատեր է կառուցում կամուրջների փոխարեն»։
Ըստ նրա՝ անտարբերության հեշտ ուղու փոխարեն համերաշխության պահանջկոտ ուղին ընտրելով՝ նրանք ցույց են տվել, որ նույնիսկ ամենախորը բաժանումները կարող են բուժվել կոնկրետ գործողությունների միջոցով։ Նրանց աշխատանքը վկայում է այն համոզմունքի մասին, որ եղբայրության լույսը կարող է գերակշռել եղբայրասպանության խավարի նկատմամբ։
Թարգմանությունը՝ Էմմա Չոբանյանի
