Մոսկվայի և Կարսի պայմանագրերը հանվում են Նախիջևանի Սահմանադրությունից

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Նախիջևանի Ինքնավար Հանրապետության Սահմանադրության նախաբանը փոփոխվում է, Սահմանադրությունից հանվում են Մոսկվայի և Կարսի պայմանագրերի անվանումները։ Սա արտացոլված է Ադրբեջանի Հանրապետության «Նախիջևանի Ինքնավար Հանրապետության Սահմանադրության մեջ փոփոխություններ կատարելու մասին» սահմանադրական օրենքի նախագծում, որը ներկայացվել է Միլլի Մեջլիսի այսօրվա նիստում՝ երկրորդ ընթերցմամբ քննարկման, գրում են ադրբեջանական լրատվամիջոցները։

Նախիջևանի գործող Սահմանադրության նախաբանում նշվում է, որ Նախիջևանի ինքնավարության հիմքերը դրվել են միջազգային պայմանագրերով՝ 1921 թվականի մարտի 16-ի Մոսկվայի և 1921 թվականի հոկտեմբերի 13-ի Կարսի պայմանագրերով, որոնք ներկայում գործում են։ Առաջարկվող նոր տարբերակում նշվում է, որ Նախիջևանի Ինքնավար Հանրապետությունն Ադրբեջանի Հանրապետության անբաժանելի մասն է։

Նախիջևանի ներկայիս Սահմանադրությունը հիմնված է 1991 թվականի օգոստոսի 30-ի «Ադրբեջանի Հանրապետության պետական ​​անկախության վերականգնման մասին» հռչակագրում, 1991 թվականի հոկտեմբերի 18-ի «Ադրբեջանի Հանրապետության պետական ​​անկախության մասին» սահմանադրական ակտում և 1995 թվականի նոյեմբերի 12-ին համաժողովրդական քվեարկությամբ՝ հանրաքվեով ընդունված Ադրբեջանի Հանրապետության Սահմանադրությունում ամրագրված սկզբունքների վրա։

Բացի այդ, սահմանադրական օրենքի նախագիծը նախատեսում է Նախիջևանի Սահմանադրությանն ավելացնել երկու նոր հոդված (հոդված 3-1 և հոդված 28-1), մեկ հոդվածի (հոդված 5) բացառում, ինչպես նաև մի շարք հոդվածներում և նախաբանում փոփոխություններ կատարել։Նախագծի համաձայն, Նախիջևանի Ինքնավար Հանրապետությունը Ադրբեջանի Հանրապետության անբաժանելի մասն է համարող դրույթը, ինչպես նշված է Ադրբեջանի  Սահմանադրության 134-րդ հոդվածի երրորդ մասում, նույնպես կարտացոլվի Նախիջևանի Ինքնավար Հանրապետության Սահմանադրության նախաբանում։

Առաջարկվող 3-1 հոդվածի համաձայն՝ «Ադրբեջանի Հանրապետության նախագահի լիազոր ներկայացուցչությունը Նախիջևանի Ինքնավար Հանրապետությունում» վերնագրով, Նախիջևանի Ինքնավար Հանրապետությունում Ադրբեջանի նախագահի լիազոր ներկայացուցչությունը գործադիր մարմին է, որը կատարում է Ադրբեջանի նախագահի կողմից Նախիջևանի Ինքնավար Հանրապետության տարածքում սահմանված պարտականությունները։ Այս մարմինը գլխավորում է Նախիջևանի Ինքնավար Հանրապետությունում Ադրբեջանի նախագահի լիազոր ներկայացուցիչը, որին նշանակում և ազատում է Ադրբեջանի նախագահը և անմիջականորեն հաշվետու է Հանրապետության նախագահին։

Նախագծում առաջարկվող մեկ այլ փոփոխություն է 28-1 հոդվածը՝ «Նախիջևանի Ինքնավար Հանրապետության Գերագույն Մեջլիսի լուծարումը» անվամբ։ Այս հոդվածը նախատեսում է Նախիջևանի Ինքնավար Հանրապետության Գերագույն Մեջլիսի լուծարում Ադրբեջանի նախագահի կողմից՝ 31 պատգամավորների խնդրանքով կամ այն ​​դեպքում, երբ Գերագույն Մեջլիսը չի կարողանում կատարել իր պարտականությունները՝ այնպիսի պատճառներով, որոնք չեն կարող վերացվել և նշված են Սահմանադրության համապատասխան հոդվածներում։

Հաղորդվում է, որ քննարկումներից հետո սահմանադրական օրենքի նախագիծը դրվել է քվեարկության և ընդունվել երկրորդ ընթերցմամբ։

Թարգմանությունը՝ Էմմա Չոբանյանի