Թուրքիան, Եգիպտոսն ու Կատարը ձգտում են Անկարայում Սթիվ Ուիթկոֆի և Իրանի պաշտոնյաների միջև հանդիպում կազմակերպել

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Թուրքիան, Եգիպտոսը և Կատարն աշխատում են այս շաբաթվա վերջում Անկարայում Սպիտակ տան բարձրաստիճան ներկայացուցչի և Իրանի պաշտոնյաների միջև հանդիպում կազմակերպելու ուղղությամբ, քանի որ Թրամփի վարչակազմը բաց է բանակցությունների համար՝ միաժամանակ զգալի ռազմական միջոցներ տեղակայելով Պարսից ծոցում։ Turkiye today-ի հաղորդմամբ՝ այս մասին հայտնել են տարածաշրջանային աղբյուրները։

Գազայում վերջերս կնքված հրադադարի միջնորդությամբ հանդես եկած երեք երկրները ներկայում համակարգում են ջանքերը՝ Սպիտակ տան հատուկ դեսպանորդ Սթիվ Ուիթկոֆի և Իրանի բարձրաստիճան պաշտոնյաների միջև հանդիպումը Թուրքիայի մայրաքաղաքում կազմակերպելու համար, հայտնել են երկու տարածաշրջանային աղբյուրներ։ ԱՄՆ-ից երկրորդ պաշտոնյան հաստատել է, որ հանդիպումը կարող է տեղի ունենալ այս շաբաթ։

«Գործերն առաջ են շարժվում։ Մենք անում ենք մեր հնարավորությունների սահմաններում լավագույնը»,- ասել է միջնորդ երկրներից մեկի ներկայացուցիչը։

Դիվանագիտական ​​​​ջանքերին զուգահեռ՝ ԱՄՆ նախագահ Դոնալդ Թրամփը հրամայել է մեծածավալ ռազմական ուժեր կուտակել Պարսից ծոցի տարածաշրջանում, ինչը սրել է մտահոգություններն այն մասին՝ արդյո՞ք երկխոսությունը կարող է կանխել ԱՄՆ-ի հարվածը Իրանին և ավելի լայն տարածաշրջանային հակամարտությունը: Սպիտակ տան պաշտոնյաները նշում են, որ Թրամփը դեռևս վերջնական որոշում չի կայացրել ռազմական գործողությունների վերաբերյալ և բաց է մնում դիվանագիտական ​​​​լուծման համար:

ԱՄՆ բարձրաստիճան պաշտոնյան ասել է, որ Թրամփի վարչակազմը մի քանի ալիքներով հայտնել է իր պատրաստակամությունը հանդիպելու և համաձայնության գալու հարցում։ ԱՄՆ պաշտոնյաներն ընդգծել են, որ բանակցությունների վերաբերյալ Թրամփի վերջին մեկնաբանություններն անկեղծ են, չնայած անորոշություն է մնում այն ​​հարցում՝ արդյո՞ք Իրանի գերագույն հոգևոր առաջնորդ այաթոլլա Ալի Խամենեին կլիազորի դիվանագետներին հասնել Վաշինգտոնի համար ընդունելի պայմանների։

Աղբյուրների փոխանցմամբ՝ Կատարը, Եգիպտոսը և Թուրքիան զուգահեռ բանակցություններ են վարում երկու կողմերի հետ՝ համակարգելով իրենց միջնորդական ջանքերը։

Իրանի արտաքին գործերի նախարար Աբբաս Արաղչին կիրակի CNN-ին ասել է, որ «բարեկամական երկրները» փորձում են վստահություն կառուցել երկու երկրների միջև՝ այդ ջանքերը որակելով «արդյունավետ»։

Տարածաշրջանային առաջնորդներն անմիջականորեն շփվում են Թեհրանի հետ

Կատարի վարչապետ Մոհամմեդ բին Աբդուլռահման ալ Թանին շաբաթ այցելել է Թեհրան՝ հանդիպելով Իրանի Ազգային անվտանգության գերագույն խորհրդի քարտուղար և Խամենեիի մտերիմ վստահելի անձ Ալի Լարիջանիի հետ: Հանդիպումից հետո Լարիջանին X-ում գրել է, որ «բանակցությունների շրջանակի ձևավորումն առաջընթաց է գրանցում»:

Եգիպտոսի նախագահ Աբդել Ֆաթթահ ալ-Սիսին շաբաթ հեռախոսազրույց է ունեցել Իրանի նախագահ Մասուդ Փեզեշքիանի հետ՝ կոչ անելով նրան համաձայնվել Թրամփի վարչակազմի պաշտոնյաների հետ հանդիպմանը: Մեկ օր առաջ էլ Թուրքիայի արտաքին գործերի նախարար Հաքան Ֆիդանը հյուրընկալել էր Իրանի արտաքին գործերի նախարարին՝ Սպիտակ տան ներկայացուցիչների հետ հանդիպման հնարավոր վայրն ու օրակարգը քննարկելու համար։

Շաբաթ երեկոյան Թրամփը լրագրողներին ասել է, որ հույս ունի՝ Իրանը կբանակցի ընդունելի համաձայնագրի շուրջ:

«Նրանք կարող են բանակցել բավարար համաձայնագրի շուրջ՝ առանց միջուկային զենքի և այլն: Նրանք պետք է դա անեն: Ես չգիտեմ՝ արդյո՞ք նրանք կանեն դա: Բայց նրանք խոսում են մեզ հետ: Լուրջ խոսում են մեզ հետ»,- ասել է նա:

Կիրակի Թեհրանում ունեցած ելույթում Խամենեին կոշտ դիրքորոշում է հայտնել՝ պնդելով, որ ԱՄՆ-ը ցանկանում է «կուլ տալ» Իրանը և զավթել նրա նավթը, գազը և հանքանյութերը: Իրանի հոգևոր առաջնորդը նաև զգուշացրել է՝ եթե ԱՄՆ-ը ռազմական գործողություններ սկսի, «այս անգամ դա կլինի տարածաշրջանային պատերազմ»: Նա չի հիշատակել բանակցությունները։

Թարգմանությունը՝ Էմմա Չոբանյանի