28.07.2026 | 15:00
Պեսկովն ասել է, թե Փաշինյանը Պուտինին չի հայտնել ԵՄ-ին Հայաստանի անդամակցության հանրաքվեի անցկացման ժամկետները
Թրամփը հայտնել է Իրանի հետ քննարկումների մտադրության մասին
Քաղաքականություն
30.01.2026 | 12:12
ԱՄՆ նախագահ Դոնալդ Թրամփը հայտարարել է, որ բանակցություններ է վարել Իրանի առաջնորդների հետ և հետագա քննարկումներ է ծրագրում՝ մինչ սպառնում է ռազմական գործողություններ ձեռնարկել այդ երկրի դեմ, գրում է CNN-ը։
«Ես ունեցել եմ և ծրագրում եմ դա անել։ Մենք այժմ շատ մեծ, շատ հզոր նավեր ունենք, որոնք նավարկում են դեպի Իրան, և հիանալի կլիներ, եթե մենք ստիպված չլինեինք դրանք օգտագործել»,- ասել է Թրամփը՝ պատսխանելով Թեհրանի հետ իր շփումների կարգավիճակի մասին հարցին՝ այս շաբաթվա սկզբին խոշոր հարված հասցնելու սպառնալիքից հետո, եթե Իրանը չհամաձայնվի գործարքի։
ԱՄՆ նախագահը չի ասել, թե ում հետ է խոսել, սակայն նկարագրել է իր փոխանցած ուղերձը։
«Ես նրանց երկու բան ասացի։ Առաջինը՝ ոչ մի միջուկային զենք։ Եվ երկրորդ՝ դադարեցրեք ցուցարարների սպանությունը։ Նրանք հազարավոր մարդկանց են սպանում, բայց նրանք ստիպված են լինելու ինչ-որ բան անել»,- հայտարարել է ԱՄՆ նախագահը։
Ավելի վաղ հայտնի էր դարձել, որ Թրամփը քննարկում է Իրանին նոր խոշոր հարված հասցնելու հարցը, և տարբերակներից մեկն «իրանցի առաջնորդների դեմ օդային հարվածներն են»։
Թարգմանությունը՝ Էմմա Չոբանյանի
