21.01.2026 | 17:25
Ճաշակի հարց է․ Միրզոյանը՝ Ֆիդանի հայտարարության մասին ընդդիմության հայտարարությունների շուրջ․ ՏԵՍԱՆՅՈՒԹ
Ես և բժիշկները դեկտեմբերին պարգևավճար չենք ստացել. Այրվածքաբանության կենտրոնի տնօրեն. ՏԵՍԱՆՅՈՒԹ
Քաղաքականություն
21.01.2026 | 14:11
Բժիշկների աշխատավարձը գրեթե կրկնապատկվել է, 15 տարի տրամադրվող պետպատվերը չէր վերանայվում։ Այս մասին լրագրողների հետ ճեպազրույցում ասաց Այրվածքաբանության կենտրոնի տնօրեն Հովհաննես Հովհաննիսյանը, որն այսօր ուղեկցում էր վերանորոգումից հետո շրջայցի եկած նախարար Անահիտ Ավանեսյանին։
Ըստ Հովհաննիսյանի՝ մասնագետների խնդիր կա, աշխատավարձերի բարձրացման հանգամանքը չի շահագրգռում բժիշկներին ընտրել այս ուղղությունը։
Դեկտեմբերին 3,5 մլրդ դրամի պարգևավճար է բաշխվել պետական ապարատի աշխատակիցների՝ թե՛ քաղաքական պաշտոնյաների, թե՛ քաղծառայողների միջև։ Նախարարները, օրինակ, մինչև 6 միլիոն դրամ են ստացել։ Առողջապահության նախարարության ենթակայությամբ գործող Այրվածքաբանության կենտրոնի տնօրեն Հովհաննես Հովհաննիսյանից հետաքրքրվեցինք՝ արդյո՞ք ծանր աշխատանք կատարող և մարդկանց կյանքեր փրկող բժիշկները ևս ստացել են պարգևավճար։
«Ես և մեր հիվանդանոցի բժիշկները չենք ստացել»,- ասաց նա, իսկ հարցին՝ արդա՞ր է, որ նախարարը մի քանի միլիոն է ստացել, իսկ բժիշկները՝ ոչ, տնօրենն ասաց․ «Վատ հարց եք տալիս»։
Մանրամասները՝ տեսանյութում։
Նարեկ Կիրակոսյան
