20.01.2026 | 21:00
Սա Կիրիենկոյի վերջին կռիվն է․ ՌԴ-ն 165 մլն դոլարից ավել կծախսի՝ ՀՀ-ում ռուսամետներին աջակցելու․ Հովսեփ Խուրշուդյան. ՏԵՍԱՆՅՈՒԹ
Ռուս մարզիկներին թույլատրել են մասնակցել Պարալիմպիկ խաղերին
20.01.2026 | 14:39
Միջազգային պարալիմպիկ կոմիտեն (ՄՊԿ) ընդունել է որոշում, որը թույլ է տալիս ռուս մարզիկներին մասնակցել 2026թ․ ձմեռային Պարալիմպիկ խաղերին։ Այդ մասին հայտնել է Ռուսաստանի պարալիմպիկ կոմիտեի (ՌՊԿ) ղեկավար Պավել Ռոժկովը։
Սեպտեմբերին ՄՊԿ-ի գլխավոր ասամբլեան որոշում էր ընդունել ՌՊԿ-ի անդամակցության լիակատար վերականգնման մասին։ Սակայն հոկտեմբերին ՄՊԿ-ն հայտարարել էր, որ ռուս մարզիկները չեն կարող մասնակցել Իտալիայում անցկացվելիք Խաղերին, քանի որ միջազգային ֆեդերացիաների դիրքորոշման պատճառով նրանք հնարավորություն չունեն մասնակցելու ընտրական մրցումներին։
«Այսօր իրավիճակը փոխվել է։ ՄՊԿ-ն փոխել է իր որոշումը և այդ մասին տեղեկացրել է ՌՊԿ-ին ու բոլոր անդամ կազմակերպություններին, որ դահուկավազքում, լեռնադահուկային սպորտում և սնոուբորդում ՌՊԿ-ն կարող է ընդհանուր պայմաններով ներկայացնել հայտեր՝ երկկողմ հրավերներ ստանալու համար»,- Ռոժկովի խոսքը մեջբերում է «Матч ТВ»-ն։
