29.10.2026 | 16:16
«Գոլդ» սերիայով կենսաչափական անձնագրերը կվաճառվեն թանկ գնով
Ակցիա ՄԻՊ գրասենյակի դիմաց. AntiFake.am-ի թիմը սնունդ էր բերել․ ՏԵՍԱՆՅՈՒԹ, ԼՈՒՍԱՆԿԱՐՆԵՐ
Հասարակություն
19.01.2026 | 13:03
11 օր հացադուլի մեջ գտնվող «Իմնեմնիմի» փոդքասթի հաղորդավար Նարեկ Սամսոնյանի ընկերներն ու աջակիցներն այսօր բողոքի ակցիա իրականացրին Մարդու իրավունքների պաշտպանի գրասենյակի առջև: Նրանք 11 օրվա սնունդ էին բերել ՄԻՊ գրասենյակ, որը մուտքի աստիճաններից հավաքեց ու տոպրակի մեջ լցրեց գրասենյակի աշխատակիցը՝ պատճառաբանելով, որ խոչընդոտվում է քաղաքացիների մուտքն ու ելքը։
Փաստաբաններն ահազանգում են, որ Սամսոնյանը շտապ վիրահատության կարիք ունի։ «Իմնեմնիմի» փոդքասթի հաղորդավարը երեկ տեղափոխվել է հիվանդանոց, որտեղ հետազոտություններ է անցել:
Ակցիայի ավարտին ՄԻՊ-ի խորհրդական Արթուր Ասլանյանը ակցիայի երեք մասնակիցների քննարկման հրավիրեց։
Հիշեցնենք՝ հունվարի 9-ին հայտնի դարձավ, որ «Իմնեմնիմի» պոդքաստի համահեղինակներ և վարողներ Վազգեն Սաղաթելյանի ու Նարեկ Սամսոնյանի կալանքի ժամկետը 3 ամսով երկարաձգվել է։ Դատարանի որոշումից հետո Նարեկ Սամսոնյանը անժամկետ հացադուլի մասին հայտարարեց՝ «իրավական խայտառակությունը դադարեցնելու» պահանջով։
Մանրամասները՝ տեսանյութում։
