13.05.2026 | 20:37
Քրեական ոստիկանները զանգերի անօրինական տերմինացիայի միջոցով ստվերային եկամուտներ ստացող խումբ են բացահայտել
Էնթոնի Ջոշուան վերսկսել է մարզումները մահվան ելքով ավտովթարից հետո․ ՏԵՍԱՆՅՈՒԹ
16.01.2026 | 17:09
Պրոֆեսիոնալ բռնցքամարտի գերծանր քաշային կարգում IBF, WBA, WBO և IBO վարկածներով աշխարհի նախկին չեմպիոն Էնթոնի Ջոշուան մահվան ելքով ավտովթարի մասնակից դառնալուց հետո վերսկսել է մարզումները։
2012թ․ օլիմպիական չեմպիոնը սոցցանցերում հրապարակել է մարզումային տեսանյութ ու կատարել հետևյալ գրառումը․ «Հոգեբանական դիմադրողականությունը բարձրացնելու թերապիա»։
Ավելի վաղ Էնթոնի Ջոշուան հորեղբայր Ադեդամոլա Ջոշուան հայտարարել էր, որ բրիտանացի բռնցքամարտիկն ավարտել է կարիերան ողբերգական ավտովթարից հետո։
Դեկտեմբերի 29-ին Էնթոնի Ջոշուան մահվան ելքով ավտովթարի մասնակից էր դարձել Նիգերիայում։ Մահացել էին բռնցքամարտիկի մարզիչներ Կևին Լատիֆ Այոդելեն ու Սինա Գամին, որոնք նրա մտերիմ ընկերներն էին։
36-ամյա Ջոշուան նախորդ մենամարտն անցկացրել էր դեկտեմբերի 19-ին՝ 6-րդ ռաունդում նոկաուտով հաղթելով ամերիկացի բլոգեր-բռնցքամարտիկ Ջեյք Փոլին։ Աշխարհի նախկին չեմպիոնը պրոֆեսիոնալ ռինգում ունի 29 հաղթանակ ու 4 պարտություն։
