16.01.2026 | 18:25
Անթալիա․ Անի Ամիրաղյանը դուրս եկավ կիսաեզրափակիչ
Ցանկություն չունեմ ՔՊ ընտրական ցուցակում լինելու. իմ բողոքը մերժել են. Սարգսյան․ ՏԵՍԱՆՅՈՒԹ
16.01.2026 | 13:25
«Որպես «Քաղաքացիական պայմանագիր» կուսակցության անդամ՝ ես սահմանված կարգով դիմել եմ ՔՊ վարչություն, որպեսզի ինձ հնարավորություն ընձեռվի ընդգրկվել ցուցակի նախնական ընտրության կազմում»,- այս մասին խորհրդարանում Factor TV-ի հարցին ի պատասխան ասաց ՔՊ խմբակցության պատգամավոր Հայկ Սարգսյանը։
«Կուսակցականները պետք է ընտրության միջոցով համամասնությամբ որոշեին, թե ով ցուցակի որ հորիզոնականը պետք է զբաղեցնի։ Ինձ որևէ հիմնավորում չներկայացնելով՝ «Քաղաքացիական պայմանագիր» կուսակցությունը մերժել է։ Ես սահմանված կարգով բողոքարկել եմ վարչության որոշումը, ինձ հրավիրել են վարչության նիստի և ինձ համար ընդունելի որևէ պատճառաբանություն կամ ընդհանրապես պատճառաբանություն, որը ես համարում եմ օբյեկտիվ, չի ներկայացվել, և իմ դիմումը մերժվել է»,- ասաց Սարգսյանը։
Պատգամավորն ասաց՝ եթե առաջիկայում որևէ բան չփոխվի, այսինքն՝ եթե ՔՊ վարչությունը նոր որոշում չկայացնի, ապա ինքն ընդգրկված չի լինի առաջիկա ընտրությունների թեկնածուների ցուցակում։
«Ասեմ նաև, որ բողոքարկումս չընդունելուց հետո ցուցակում լինելու ցանկություն չունեմ»,- ասաց Սարգսյանը։
Պատգամավորն նաև նշեց, որ անհրաժեշտություն չի տեսնում հանդիպել ՔՊ կուսակցության վարչության նախագահ Նիկոլ Փաշինյանի հետ։ Ի պատասխան մեր հարցին՝ Սարգսյանն ասաց, որ ընտրություններին այլ կուսակցության ցուցակով մասնակցելու մտադրություն չունի։
Մանրամասները՝ տեսանյութում։
