Լատվիայում, Լիտվայում և Սլովենիայում հունվարի 21-ից փետրվարի 7-ը կկայանա ֆուտզալի Եվրոպայի առաջնությունը։
Պատմության մեջ առաջին անգամ Եվրոպայի առաջնության եզրափակիչ փուլին մասնակցելու է նաև Հայաստանի ազգային հավաքականը։ Հայաստանի հավաքականի հանդիպումների տոմսերը հնարավոր է ձեռք բերել՝ անցնելով հետևյալ հղումով։
Ռուբեն Նազարեթյանի գլխավորած թիմը խմբային փուլի բոլոր խաղերը կանցկացնի Լիտվայի Կաունաս քաղաքի «Ժալգիրիս Արենա» մարզապալատում։ Տոմսերի արժեքը 15 եվրո է։
Հայաստանի հավաքականը Եվրո-2026-ում առաջին հանդիպումը կանցկացնի հունվարի 22-ին Ուկրաինայի թիմի հետ։ Երկրորդ տուրում մրցակիցը կլինի Չեխիան (hունվարի 25), իսկ երրորդ խաղում՝ Լիտվան (hունվարի 28)։
