02.07.2026 | 20:24
ՔՊ խմբակցության ղեկավարի թեկնածու է ընտրվել Արուսյակ Մանավազյանը. Նիկոլ Փաշինյան. ՏԵՍԱՆՅՈՒԹ
Ռուսական Տագանրոգում հարձակման է ենթարկվել ԱԹՍ-ների համար բաղադրիչներ արտադրող գործարանը
Քաղաքականություն
13.01.2026 | 13:35
Ռուսաստանի պաշտպանության նախարարությունը հայտնել է հունվարի լույս 13-ի գիշերը ուկրաինական 89 անօդաչու թռչող սարքի խոցման մասին, գրում է Current time-ը։
Գերատեսչության տվյալներով՝ Ռոստովի մարզի երկնքում խոցվել է ութ անօդաչու թռչող սարք։ Նահանգապետ Յուրի Սլյուսարը հայտնել է Տագանրոգի վրա հարձակման մասին։ Նա նշել է, որ վնասվել են արդյունաբերական օբյեկտ, բնակելի շենքեր, գազատարներ և տրանսպորտային միջոցներ։
Սլյուսարը չի նշել, թե կոնկրետ որ օբյեկտն է վնասվել։ Ուկրաինական «Exilenova+» և «Supernova+» տելեգրամյան ալիքները հաղորդում են, որ Տագանրոգում գտնվող «Ատլանտ Աէրո» գործարանն է ենթարկվել հարձակման։ Սա պաշտոնապես հաստատված չէ։
Այս գործարանն արտադրում է մարտական անօդաչու թռչող սարքերի և ռադիոէլեկտրոնային պատերազմի համակարգերի բաղադրիչներ: Ըստ «Asra»-ի՝ արտադրությունը կենտրոնացած է, մասնավորապես, «Օրիոն» և FPV անօդաչու թռչող սարքերի մշակման ուղղությամբ:
Ուկրաինայի զինված ուժերն արդեն հարձակվել էին այս ձեռնարկության վրա 2025 թվականի հունիսին և նոյեմբերին:
Թարգմանությունը՝ Էմմա Չոբանյանի
