20.05.2026 | 12:21
Պնդում եմ՝ Նարեկ Կարապետյանը միայն ՀՀ քաղաքացի է․ Գոհար Մելոյան
Պուտինը վախենում է ԱՄՆ-ից, որը ղեկավարվում է իմ կողմից․ Թրամփ
Քաղաքականություն
10.01.2026 | 11:07
ԱՄՆ նախագահ Դոնալդ Թարմփը ուրբաթ օր պատասխանելով լրագրողների հարցերին, ասել է, որ Պուտինը չի վախենում Եվրոպայից, այլ վախենում է ԱՄՆ-ից իր ղեկավարության ներքո, և պնդել, որ Եվրոպան դարձել է «անճանաչելի» ներգաղթային քաղաքականության պատճառով։
«Ակնհայտ է, որ նախագահ Պուտինը չի վախենում Եվրոպայից։ Նա վախենում է Ամերիկայի Միացյալ Նահանգներից, որը ղեկավարվում է իմ կողմից։ Եվրոպայից վախ չկա։ Գիտեք, Եվրոպան հետ է մնացել»,- ասել է Թրամփը՝ նշելով, որ ինքը, այնուամենայնիվ, սիրում է Եվրոպան և որ իր արմատները Եվրոպայից են։
Ապա հայտարարել է, որ Եվրոպան պետք է իր գործունեությունը կարգավորի․ «Հիմա նրանք սկսել են, նրանք ունեն ՆԱՏՕ-ի հիանալի առաջնորդ, և նրանք ՀՆԱ-ի 2 տոկոսը բարձրացրել են հինգ տոկոսի։ Դա մեծ քայլ է, բայց նրանք պետք է շատ զգույշ լինեն իրենց ներգաղթային քաղաքականության մեջ»։
Հիշեցնենք, որ օրեր առաջ ԱՄՆ նախագահ Դոնալդ Թրամփը հայտարարել էր, որ կարողացել է համոզել է ՆԱՏՕ-ի անդամ երկրներին ավելացնել պաշտպանական ծախսերը տարեկան ՀՆԱ-ի 2%-ից մինչև 5%-ի։
Նա նաև խոստացել էր, որ ԱՄՆ-ը երբեք ՆԱՏՕ-ին չի թողնի միայնակ դիմակայելու արտաքին սպառնալիքներին։
«Ռուսաստանն ու Չինաստանը չեն վախենա ՆԱՏՕ-ից, եթե ԱՄՆ-ն այնտեղ չլինի: Բայց մենք միշտ գործելու ենք հանուն ՆԱՏՕ-ի, նույնիսկ եթե այն չգործի հանուն մեզ»,- գրել է նա TruthSocial սոցիալական ցանցում։
Թարգմանությունը՝ Անահիտ Խաչատրյանի
