10.01.2026 | 14:00
Արման Ծառուկյանը և Լենս Փալմերն անցկացրել են հայացքների մենամարտ․ ՏԵՍԱՆՅՈՒԹ
Թրամփը պատրաստ է Վենեսուելայի ընդդիմության առաջնորդ Մաչադոյի Խաղաղության Նոբելյան մրցանակն ընդունել
Քաղաքականություն
09.01.2026 | 12:29
ԱՄՆ նախագահ Դոնալդ Թրամփը հայտարարել է, որ Վենեսուելայի ընդդիմության առաջնորդ Մարիա Կորինա Մաչադոն հաջորդ շաբաթ կայցելի Միացյալ Նահանգներ, և որ ինքը ծրագրում է հանդիպել Նոբելյան Խաղաղության մրցանակի դափնեկրի հետ, գրում է NBC news-ը։
«Նա գալիս է հաջորդ շաբաթ, և ես անհամբեր սպասում եմ նրան ողջունելուն»,- ասել է Թրամփը Fox News-ի հետ զրույցում։
Մաչադոյի խոսնակը անմիջապես չի հաստատել հանդիպման մասին տեղեկությունը, իսկ Սպիտակ տունը մանրամասներ չի հայտնել։
Թրամփի և Մաչադոյի միջև հանդիպումը կկայանա ԱՄՆ-ի կողմից Վենեսուելայի տապալված նախագահ Նիկոլաս Մադուրոյի ձերբակալությունից և արտաքսումից հետո: Դելսի Ռոդրիգեսն այժմ երկրի ժամանակավոր նախագահն է: Կոնգրեսի մի քանի հանրապետականներ պնդում են, որ Մաչադոն ղեկավարի երկիրը:
Անցյալ շաբաթ Թրամփը լրագրողներին ասել էր, որ «Մաչադոյի համար շատ դժվար կլինի առաջնորդ լինել, քանի որ նա երկրի ներսում չունի ո՛չ աջակցություն, ո՛չ էլ հարգանք»։
ԱՄՆ պետքարտուղար Մարկո Ռուբիոն կիրակի Մաչադոյին անվանել էր «ֆանտաստիկ», սակայն հավելել, որ իրավիճակը պահանջում է այլ ղեկավարություն։
«Ցավոք, ընդդիմության մեծամասնությունն այլևս ներկա չէ Վենեսուելայի ներսում։ Մենք ունենք կարճաժամկետ խնդիրներ, որոնք պետք է անհապաղ լուծվեն»,- ասել էր Ռուբիոն։
Մաչադոն, որն անցյալ տարի արժանացել է Խաղաղության Նոբելյան մրցանակի, ասել է, որ Թրամփն «արժանի էր դրան»։
Հարցին՝ արդյո՞ք նա կընդունի Մաչադոյի Նոբելյան մրցանակը, եթե նա այն տա իրեն, Թրամփը պատասխանել է. «Ես լսել եմ, որ նա ուզում է դա անել։ Դա մեծ պատիվ կլինի»։
Վերջերս NBC News-ին տված հարցազրույցում Թրամփը հերքել էր The Washington Post-ի հրապարակումն այն մասին, որ Մադուրոյի ձերբակալությունից հետո ինքը Մաչադոյին չի նշանակել Վենեսուելայի ղեկավար, քանի որ նա է արժանացել Խաղաղության Նոբելյան մրցանակի։
«Նա չպետք է ստանար այն։ Բայց ոչ, դա որևէ կապ չունի իմ որոշման հետ»,- ասել է ԱՄՆ նախագահը։
Թարգմանությունը՝ Էմմա Չոբանյանի
