28.07.2026 | 23:02
«Կարևոր է ակտիվացնել դիվանագիտական գործընթացը»․ Զելենսկին՝ Թրամփի հետ հանդիպման արդյունքների մասին
Մադուրոն Նյու Յորքի դատարանում հայտարարել է, որ իրեն մեղավոր չի ճանաչում
Քաղաքականություն
05.01.2026 | 21:55
Նիկոլաս Մադուրոն Նյու Յորքի դատարանում հայտարարել է, որ իրեն մեղավոր չի ճանաչում և ռազմագերի է: Նա նաև պնդում է, որ մնում է Վենեսուելայի օրինական նախագահ։ Նիստի ժամանակ քաղաքական գործիչը խոսել է իսպաներեն և օգտվել թարգմանչի ծառայություններից, հաղորդում է Fox News հեռուստաալիքը:
Մադուրոյի կինը՝ Սիլիա Ֆլորեսը, նույնպես չի ընդունել իր մեղքը թմրանյութերի և զենքի վաճառքի մեղադրանքներում: Դատարանը թույլատրել է, որ ամուսիններին այցելեն Վենեսուելայի հյուպատոսական աշխատակիցները։ Նիկոլաս Մադուրոյին գրավի դիմաց ազատ արձակելու մասին խոսք չկա, հայտարարել է նրա փաստաբանը:
Մադուրոյի գործով հաջորդ նիստը նշանակված է մարտի 17-ին:
Հիշեցնենք՝ հունվարի 3-ին ԱՄՆ-ն ռազմական գործողություն է իրականացրել Վենեսուելայի դեմ։ ԱՄՆ-ն հարվածներ է հասցրել Վենեսուելայում գտնվող օբյեկտներին, երկրից դուրս է բերել նախագահ Նիկոլաս Մադուրոյին: Ամերիկյան կողմի տվյալներով՝ Մադուրոյին և նրա կնոջը Նյու Յորքում մեղադրանք է առաջադրվել «թմրահաբեկչության», կոկաինի մաքսանենգության և զենք պահելու համար:
