Քաղաքականություն
05.01.2026 | 18:13
Իրանում բողոքի ցույցերի ժամանակ առնվազն 20 մարդ է զոհվել։ Այս մասին հաղորդում է իրանական Human Rights Activists News Agency (HRANA) իրավապաշտպան կազմակերպությունը, փոխանցում է Current time-ը։
Իրավապաշտպանների տվյալներով՝ զոհվածներից մեկը կապված է իրավապահ մարմինների հետ։ 51 մարդ վիրավորվել է։ Բացի այդ, ձերբակալվել է առնվազն 990 ցուցարար։ Իրավապաշտպանները կարծում են, որ ձերբակալվածների իրական թիվը կարող է ավելին լինել։
Բողոքի ցույցերն Իրանում սկսվել են դեկտեմբերի 28-ին՝ տնտեսական ճգնաժամի, ազգային արժույթի փոխարժեքի անկման և գնաճի ֆոնին։
HRANA-ի տվյալներով՝ վերջին ութ օրերի ընթացքում ցույցեր են տեղի ունեցել առնվազն 222 բնակավայրերում, սակայն ցուցարարները չունեն միասնական պահանջ կամ կարգախոս։ Մասնավորապես, նրանք դժգոհություն են հայտնել տնտեսական իրավիճակից, քննադատել են կառավարության գործելակերպը և քաղաքացիների իրավունքների ու ազատությունների սահմանափակումները։
Անվտանգության ուժերը դաժանորեն ճնշում են բողոքի ցույցերը՝ օգտագործելով հրազեն, արցունքաբեր գազ և ջրցան մեքենաներ։
