07.01.2026 | 23:32
Սպիտակ տանը հայտարարել են, որ ռուսական դրոշի տակ նավարկող կալանված լցանավի անձնակազմին սպառնում է քրեական հետապնդում
Թոմ Հարդին առաջարկ էր ստացել Երևանում մենամարտել Արման Ծառուկյանի հետ
05.01.2026 | 12:34
Հոլիվուդյան դերասան Թոմ Հարդին առաջարկ է ստացել Երևանում գրեփլինգի մենամարտ անցկացնել UFC-ի թեթև քաշային կարգի դասակարգման առաջատար Արման Ծառուկյանի հետ, սակայն հրաժարվել է։ Այդ մասին հայտնել է Hype լիգայի ղեկավար Արման Մարտիրոսյանը՝ սոցցանցերում հրապարակելով բրիտանացի աստղի հետ նամակագրությունից մի հատված։
Թոմ Հարդին շնորհակալություն է հայտնել առաջարկի համար և նշել է, որ ստիպված է հրաժարվել զբաղվածության պատճառով։
Հիշեցնենք, որ դեկտեմբերի 30-ին Երևանի Կարեն Դեմիրճյանի անվան Մարզահամերգային համալիրում կայացած Hype Fighting մրցաշարի գլխավոր մենամարտում Արման Ծառուկյանը գրեփլինգի կանոններով մրցել էր UFC-ի մարտիկ Շառա Բուլետի (Շարաբուտդին Մագոմեդով) հետ։ Գրանցվել էր ոչ-ոքի։
Թոմ Հարդին զբաղվում է մարտարվեստներով։ Անցյալ տարվա սեպտեմբերին նա դարձել էր բրազիլական ջիու-ջիցուի մրցաշարի հաղթող։
