29.10.2026 | 15:55
Հայաստանում սպասվում են անձրևներ և ամպրոպ․ հոկտեմբերի 30-ին տեղումները որոշ շրջաններում հորդառատ կլինեն
Եթե Իրանը կրակ բացի և դաժանորեն սպանի խաղաղ ցուցարարներին, ԱՄՆ-ը կգա օգնության․ Դոնալդ Թրամփ
Քաղաքականություն
02.01.2026 | 14:43
Եթե Իրանը կրակ բացի և դաժանորեն սպանի խաղաղ ցուցարարներին, ինչպես նրանց սովորությունն է, Միացյալ Նահանգները կհասնի նրանց օգնության։ Այս մասին ԱՄՆ նախագահ Դոնալդ Թրամփը գրել է TruthSocial-ում։
«Մենք զգոն ենք և պատրաստ ենք գործողությունների», – գրել է Թրամփը։
Հիշեցնենք, որ Իրանում տնտեսական ճգնաժամի դեմ հինգ օր շարունակվող բողոքի ցույցերի ընթացքում զոհվել է առնվազն վեց մարդ։
Իրանում բողոքի ցույցերը սկսվել են դեկտեմբերի 28-ին։ Այդ օրը Թեհրանում խանութների տերերը՝ սկզբում բջջային հեռախոսներ վաճառողները, ապա մյուսները, փակել են իրենց խանութները՝ ի նշան երկրի վատթարացող տնտեսական վիճակի դեմ բողոքի։ Ավելի ուշ բողոքի ցույցերին միացել են նաև այլ խոշոր քաղաքների բնակիչներ։
