23.04.2026 | 14:53
Արթուր Դավթյանին, որ լավ ման գաք «Ուժեղ Հայաստան»-ի գրասենյակում կգտնեք. Փաշինյան․ ՏԵՍԱՆՅՈՒԹ
Իրանում բողոքի ցույցերը վերածվել են ոստիկանության հետ բախումների. ԶԼՄ-ներ
Քաղաքականություն
01.01.2026 | 20:51
Իրանի հարավ-արևմուտքում բողոքի ցույցերը վերածվել են ոստիկանության հետ բախումների․ առնվազն երկու մարդ զոհվել է, մի քանի ոստիկաններ վիրավորվել են։ Այդ մասին հայտնում է իրանական Fars գործակալությունը։
Գործակալության տվյալներով՝ բախումները տեղի են ունեցել Չեհարմեհալ և Բախտիարիա նահանգի Լորդեգան քաղաքում, որտեղ ցուցարարների մի մասը քարեր է նետել վարչական շենքերի և բանկերի ուղղությամբ՝ վնասելով որոշ շինություններ։ Ոստիկանությունը ցուցարարներին ցրելու համար կիրառել է արցունքաբեր գազ։ Նշվում է, որ որոշ ցուցարարների մոտ զենք է եղել, և արձանագրվել են կրակոցներ ոստիկանների ուղղությամբ։
Fars-ի փոխանցմամբ՝ բախումները շարունակվել են մինչև հունվարի 1-ի կեսօր, ներկայումս իրավիճակը քաղաքում հանգիստ է։
Press TV-ն էլ հայտնել է Իրանի արևմուտքում գտնվող Կուհդաշտ քաղաքում Իսլամական հեղափոխության պահապանների կորպուսի հետ կապված կամավորի և «Բասիջ» կազմակերպության անդամի մահվան մասին։
Դեկտեմբերի վերջին Իրանում բողոքի ցույցեր էին սկսվել իրանական ռիալի արժեզրկման ֆոնին։ Ակցիաների հիմնական պատճառը փոխարժեքի կտրուկ տատանումներն ու դրանց ազդեցությունն են գների վրա։ Այս զարգացումների ֆոնին Իրանի կենտրոնական բանկի ղեկավար Մոհամմադ Ֆարզինը հրաժարական է տվել, և նրա փոխարեն նշանակվել է Աբդոլնասեր Հեմմաթին։
