Համաներմամբ ազատ է արձակվել Ռուսաստանում դատապարտված վարորդ Հրաչյա Հարությունյանը։
Տեղեկությունը Factor.am-ի հետ զրույցում հաստատեց Հրաչյա Հարությունյանի կինը՝ տիկին Անահիտը։
«Նրա խափանման միջոցը փոխվել էր դեռ հուլիսից: Ամեն օր տանն էր, ուղղակի պետք է գնար, ստորագրեր: Հիմա ազատ է արձակվել, և համաներումը տարածվել է նաև նրա վրա»,- ասաց Հրաչյա Հարությունյանի կինը։
Հիշեցնենք, որ 2013թ. հուլիսին Հրաչյա Հարությունյանը Պոդոլսկի մերձակայքում բեռնատարով բախվել էր ուղևորատար ավտոբուսին, ինչի հետևանքով 18 մարդ էր զոհվել, ավելի քան 60 մարդ տարբեր աստիճանի վնասվածքներ էր ստացել․ Հարությունյանը Ռուսաստանում 6 տարի 9 ամիս ժամկետով դատապարտվեց ազատազրկման։
