10.10.2026 | 13:33
NYMEX. Թանկարժեք մետաղների գներն աճել են
Կրեմլը մեկնաբանել է Պուտին-Զելենսկի հեռախոսազրույցի հնարավորությունը և հայտնել առաջիկայում Պուտին-Թրամփ զրույցի մասին
Քաղաքականություն
29.12.2025 | 17:03
ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկիի միջև հեռախոսազրույցի մասին խոսք չկա։ Այս մասին լրագրողներին ասել է Կրեմլի խոսնար Դմիտրի Պեսկովը, գրում է ՏԱՍՍ-ը։
«Հիմա խոսք չկա նման զրույցի մասին»,- ասել է Կրեմլի խոսնակը։
Նա նաև հայտնել է, որ Ռուսաստանի և ԱՄՆ-ի նախագահներ Վլադիմիր Պուտինն ու Դոնալդ Թրամփն առաջիկայում կրկին հեռախոսազրույց կունենան․ «Շատ մոտ ապագայում։ Մենք ձեզ կտեղեկացնենք»։
Հարցին՝ ինչպե՞ս է Կրեմլը գնահատում Թրամփի և Զելենսկիի միջև նախորդ օրը կայացած բանակցությունները, Պեսկովը պատասխանել է․ «Մենք չգիտենք, թե ինչպես են դրանք անցել, ուստի չենք կարող գնահատել։ Ռուսաստանի և ԱՄՆ-ի նախագահները համաձայնել են կրկին զանգահարել միմյանց (այս բանակցություններից հետո)։ Այդ ժամանակ մենք կստանանք տեղեկատվությունը»։
Fox news-ը հաղորդել էր, որ Ուկրաինայի նախագահ Վլադիմիր Զելենսկին կարող է հեռախոսազրույց ունենալ ՌԴ ղեկավար Վլադիմիր Պուտինի հետ՝ ավելի քան հինգ տարվա ընթացքում առաջին անգամ։
Թարգմանությունը՝ Էմմա Չոբանյանի
