28.04.2026 | 13:35
Փարիզի Մոնմարշե հրապարակում տեղի է ունեցել Հայոց ցեղասպանության 111-րդ տարելիցին նվիրված միջոցառում․ ԼՈՒՍԱՆԿԱՐՆԵՐ
Ադրբեջանում պահվող Վագիֆ Խաչատրյանի ինքնազգացողությունը վատթարացել է. նա հոսպիտալացվել է, վիճակը ծանր է
Քաղաքականություն
23.12.2025 | 16:56
Ադրբեջանում ապօրինաբար պահվող հայ գերի Վագիֆ Խաչատրյանը հոսպիտալացվել է։ Ադրբեջանի Արդարադատության նախարարությունը, պատասխանելով APA-ի հարցմանը, նշել է, որ Վագիֆ Խաչատրյանի (ծնված 1955թ.) ինքնազգացողությունը վատթարացել է դեկտեմբերի 22-ին, նրա մոտ առաջացել են շնչառության դժվարացում և սրտի շրջանում ցավեր։
Խաչատրյանն առաջին բուժօգնություն է ստացել բուժմասում, որից հետո շտապ տեղափոխվել է Արդարադատության նախարարության բժշկական հաստատություն։ Այնտեղ իրականացվել են ինտենսիվ թերապիա և վերակենդանացման միջոցառումներ, սակայն քանի որ նրա վիճակի էական բարելավում չի նկատվել, նա տեղափոխվել է համապատասխան պետական բժշկական հաստատություն՝ բարձրակարգ բժշկական օգնություն ստանալու համար։
Նշվում է, որ նրա վիճակը ներկայում գնահատվում է ծանր, և վերակենդանացման բաժանմունքում շարունակվում է բուժումը։
Հիշեցնենք՝ Կարմիր Խաչի միջազգային կոմիտեի ուղեկցությամբ 2023 թվականի հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։ Այնուհետև Բաքուն նրան «զանգվածային սպանությունների» շինծու մեղադրանքներ է առաջադրել։ Բաքուն Վագիֆ Խաչատրյանին 15 տարվա ազատազրկման է դատապարտել։
Թարգմանությունը՝ Էմմա Չոբանյանի
