10.10.2026 | 11:55
Արուսյակ Ջուլհակյանը կմեկնի Նյու Յորք
Մենք չենք համաձայնի, որ մեզ ինչ-որ մեկը վերահսկի. Զելենսկին՝ Պուտինին
Քաղաքականություն
20.12.2025 | 16:56
Ուկրաինայի նախագահ Վլադիմիր Զելենսկին ՌԴ նախագահ Վլադիմիր Պուտինին մեղադրել է Ուկրաինայի ընտրությունները վերահսկելու ձգտման մեջ։
«Մենք չենք համաձայնի, որ մեզ ինչ-որ մեկը վերահսկի», – DW-ի ռուսական ծառայության փոխանցմամբ՝ ասել է Ուկրաինայի նախագահը: Այսպիսով՝ Զելենսկին մեկնաբանել է Պուտինի խոսքերն այն մասին, որ Մոսկվան «պատրաստ է մտածել» անվտանգության ապահովման մասին, եթե Ուկրաինայում նախագահական ընտրություններ անցկացվեն: Պուտինն ասել է, որ ՌԴ բանակը քվեարկության օրը կարող էր ձեռնպահ մնալ ուկրաինական տարածքի խորքերը հարվածելուց: Միևնույն ժամանակ, նա կոչ է արել, որ Ռուսաստանում բնակվող ուկրաինացիները նույնպես քվեարկության հնարավորություն ստանան:
Ուկրաինայի օրենքներն արգելում են ռազմական դրության ժամանակ ընտրությունների անցկացումը, այդ թվում՝ նախագահական ընտրությունները: Ուկրաինայում պատերազմի ընթացքում չեն կայացել 2023 թվականին նախատեսված Գերագույն ռադայի ընտրությունները, ինչպես նաև 2024 թվականին նախատեսված նախագահական ընտրությունները: Այս ֆոնին ՌԴ իշխանությունները տարածում են Ուկրաինայի գործող իշխանության ոչ լեգիտիմության մասին պնդումներ։
