13.05.2026 | 21:47
Ջանես Նազարյանը՝ մինչև 17 տարեկանների հունահռոմեական ոճի ըմբշամարտի Եվրոպայի չեմպիոն
Ալեքսանդր Գրիգորյան․ Հիմա Սպերցյանը կարիերայի լավագույն մարզավիճակում է
19.12.2025 | 18:30
Երևանի «Ալաշկերտի» և «Ուրարտուի» նախկին գլխավոր մարզիչ Ալեքսանդր Գրիգորյանը պատմել է, թե ինչու է Ռուսաստանի Պրեմիեր լիգայի նոյեմբեր-դեկտեմբերի լավագույն ֆուտբոլիստի քվեարկությունում իր ձայնը տվել «Կրասնոդարի» կիսապաշտպան Էդուարդ Սպերցյանին։
«Սպերցյանը լավագույնն է ոչ միայն նրա համար, որ հայ է ու Պյատիգորսկից է։ Հիմա նա ավելի ֆունդոմենտալ տեսք ունի, քան այդ մրցանակի մյուս հավակնորդները։ Ռիսկի կդիմեմ ու կենթադրեմ, որ հիմա նա կարիերայի լավագույն մարզավիճակում է։ Նաև հենց դրանից են գալիս «Կրասնոդարի» հաջողությունները»,- ռուսաստանցի մասնագետի խոսքը մեջբերում է ՌՊԼ-ի մամուլի ծառայությունը։
ՌՊԼ-ի ամսվա լավագույն ֆուտբոլիստն ընտրվում է երկպագուների, փորձագետների ու «Матч Премьер» ալիքի մեկնաբանների քվեարկության արդյունքում։
Հայաստանի ազգային հավաքականի ավագը Ռուսաստանի ընթացիկ առաջնությունում մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ 25-ամյա ֆուտբոլիստը լավագույնն է «Գոլ+ասիստ» հաշվարկով։
