30.10.2026 | 16:27
«Արծվիկ Մինասյանը շարունակում է ՀՅԴ անդամ լինել»․ ԱԺ-ում քննարկվում է նրա թեկնածության հարցը․ ՏԵՍԱՆՅՈՒԹ
Համբերությունը սպառվում է. Թուրքիան զգուշացրել է Սիրիայի քրդական ուժերին
Քաղաքականություն
18.12.2025 | 22:49
Թուրքիայի ԱԳ նախարար Հաքան Ֆիդանը հայտարարել է, որ Անկարան չի ցանկանում կրկին դիմել ռազմական գործողությունների Սիրիայի քրդերի գլխավորած «Սիրիական դեմոկրատական ուժեր» (SDF) դեմ, սակայն զգուշացրել է, որ ներգրավված կողմերի համբերությունը սպառվում է ինտեգրման համաձայնագրի իրականացման ձգձգումների պատճառով, գրում է Reuters-ը։
«Մենք պարզապես հույս ունենք, որ ամեն ինչ կընթանա երկխոսության, բանակցությունների և խաղաղ ճանապարհով։ Մենք չենք ուզում տեսնել ռազմական միջոցների դիմելու անհրաժեշտություն։ Սակայն SDF-ը պետք է հասկանա, որ համապատասխան դերակատարների համբերությունը սպառվում է: Նրանք պետք է հասնեն այն կետին, որտեղ մարտի 10-ի համաձայնագրի նկատմամբ իրենց պարտավորությունը պետք է կատարվի։ Բոլորը սպասում են, որ նրանք կկատարեն այդ համաձայնագիրը առանց որևէ ուշացման և առանց որևէ շեղման, քանի որ մենք չենք ցանկանում տեսնել այս համաձայնագրից շեղում»,- TRT World-ին տված հարցազրույցում ասել է Ֆիդանը:
Մարտի 10-ին Սիրիայի նախագահականը հայտարարել էր «Սիրիայի դեմոկրատական ուժերը» (SDF) պետական ինստիտուտներին ինտեգրելու համաձայնագրի ստորագրման մասին, որը վերահաստատում է Սիրիայի տարածքային միասնությունը և մերժում է բաժանման ցանկացած փորձ։
Թարգմանությունը՝ Էմմա Չոբանյանի
