18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Այդ հատվածը ՌԴ կառավարման ներքո չէ, որ հանձնեն ՀՀ-ին․ Փաշինյանը՝ Մեղրիով անցնելիք երթուղու մասին. ՏԵՍԱՆՅՈՒԹ
Քաղաքականություն
18.12.2025 | 14:58
Երկաթուղու Մեղրիի հատվածի հետ կապված թյուրըմբռնում կա, այդ հատվածը Ռուսաստանի կառավարման ներքո չի, որ իրենք հանձնեն Հայաստանին։ Այս մասին լրագրողների հետ ճապազրույցի ժամանակ հայտնեց վարչապետ Նիկոլ Փաշինյանը։ Նա ընդգծեց, որ այն ՀՀ ինքնիշխան տարածքն է, և այդ տարածքի կառավարումը պետությունը որևէ մեկին չի արտապատվիրակել։
Հարցին, թե արդյո՞ք Հայաստանին հաջողվել է հաղթահարել Եվրամիության «Խաղաղության աջակցության» ծրագրով 20 միլիոն եվրոյի այդ խոչընդոտը, և ի՞նչ քաղաքական պայմանավորվածությունների արդյունքում է դա հնարավոր դարձել, Փաշինյանը պատասխանել է․
«Արտաքին գործերի նախարարը զեկուցել է ինձ, որ Հունգարիայի գործընկերները կարծես որոշմանը համաձայնվել են, և կա կոնսենսուս։ Դե յուրե որոշումը կլինի, կհրապարակվի, դա բովանդակային առումով այս պահին չեմ կարող ասել, բայց բոլոր դեպքերում դա նպաստելու է և ծախսվելու է խաղաղության օրակարգի և խաղաղության տրամաբանությամբ»։
«Խաղաղության խաչմերուկի» հետ կապված Փաշինյանն ասել է՝ հռչակագրում հստակ գրված է, որ այն Հայաստան-Ադրբեջան երկկողմ նախագիծ է, և երրորդ երկրների ներգրավվածությունը կարող է քննարկվել միայն երկկողմ ձևաչափով։
«Բայց նաև ասեմ, որ ես Ռուսաստանի Դաշնության մեր գործընկերներին խնդրել եմ շտապ կարգով զբաղվել մասնավորապես երկաթուղու՝ Երասխից մինչև Ադրբեջան և դեպի Նախիջևան սահման, և Ախուրիկի հատվածի մինչև Թուրքիայի սահման ամբողջական վերականգնմամբ։ Եվ կարծում եմ՝ նաև ես առաջիկայում նույն հարցը կբարձրացնեմ կապված Իջևան-Ղազախ հատվածի հետ կապված, որովհետև կարծում եմ՝ այդ հատվածը նույնպես հնարավորինս արագ վերականգնելու անհրաժեշտություն կա։ Եվ հույս ունեմ՝ Ռուսաստանի մեր գործընկերները մաքսիմալ արագությամբ այդ խնդրանքը իրականություն կդարձնեն»,- ասաց Փաշինյանը։
Մանրամասները՝ տեսանյութում։
