Վրաստանը կթույլատրի Ադրբեջանից Հայաստան վառելիքի մեկանգամյա անվճար փոխադրումը

Լուրեր

21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
Բոլորը

Դեկտեմբերի 5-ին Վրաստանի կառավարությունը գործընկեր երկրներից ստացել է խնդրանք՝ Վրաստանի տարածքով Ադրբեջանից Հայաստան վառելիքի միանվագ տարանցում իրականացնելու վերաբերյալ։ Այս մասին ասվում է Վրաստանի էկոնոմիկայի նախարարության հայտարարությունում, գրում է վրացական Առաջին ալիքը։

«Վարչապետ Իրակլի Կոբախիձեի որոշմամբ՝ «Վրացական երկաթուղիներին» անմիջապես հանձնարարվել է ամբողջությամբ անվճար իրականացնել նշված բեռների մեկանգամյա երկաթուղային փոխադրումը։ Նշված որոշումը ներկայացվել է պաշտոնական կողմերին։ Վրաստանը եղել և մնում է Հայաստանի և Ադրբեջանի ռազմավարական, հուսալի գործընկեր երկիր։ Մենք միշտ եղել և մնում ենք տարածաշրջանում խաղաղության և համագործակցության կողմնակիցներ»,- ասվում է հայտարարությունում։

Ադրբեջանական կառավարամետ Minval Politika-ն Վրաստանի կառավարությանը քննադատող հոդված էր հրապարակել՝ «Վրաստանը խաղում է խաղաղության դեմ. Թբիլիսին փորձում է Բաքվի համբերության սահմանները» վերնագրով։ Ըստ Jamnews-ի՝ հոդվածի հեղինակ Մաքսուդ Սալիմովը խոսում է Թբիլիսիի և Բաքվի հարաբերություններում «տագնապալի փոփոխությունների» մասին։

Նոյեմբերի 28-ին Գաբալայում տեղի է ունեցել Ադրբեջանի և Հայաստանի միջև սահմանների սահմանազատման համատեղ հանձնաժողովների 12-րդ նիստը, որը վարել են փոխվարչապետեր Շահին Մուստաֆաևը և Մհեր Գրիգորյանը: Տեխնիկական հարցերից զատ՝ կողմերը քննարկել են նաև հնարավոր տնտեսական համագործակցությունը։

Minval Politika-ի աղբյուրների համաձայն՝ նման հարցերից մեկն ադրբեջանական նավթի և նավթամթերքի Հայաստան արտահանման հեռանկարն էր՝ նախագիծ, որը կարող է տնտեսական դիվիդենտներ բերել Բաքվին ու Երևանին և ամրապնդել տարածաշրջանում խաղաղ զարգացման տարածքը։ Սակայն երկու երկրների միջև ուղիղ երկաթուղային կապի բացակայությունը Վրաստանի տարածքով տարանցումը դարձնում է միակ երթուղին։ Ահա թե ինչու Ադրբեջանը Թբիլիսիին դիմել է սակագների հարցով՝ Գարդաբանի-Սադախլո հատվածի համար։ Minval Politika-ի տվյալներով՝ վրացական կողմն առաջարկել է 111 կիլոմետրանոց հատվածի համար մեկ տոննայի համար 92 դոլար սակագին։

Համեմատության համար նշվում է, որ նմանատիպ բեռներ 680 կմ հեռավորության վրա՝ Յալամա կայարանից մինչև Բոյուկ-Քյասիկ կայարան, տեղափոխվել են 17 դոլարով՝ մեկ տոննայի համար, ինչը 40 անգամ ցածր է վրացական կողմի առաջարկած սակագնից։ Միաժամանակ, ըստ ադրբեջանական լրատվամիջոցի հրապարակման, Վրաստանի ներսում նման բեռները Բաթումի, Փոթիի և Կուլևի նավահանգիստներ են ուղարկվում 17 դոլարով՝ 360-396 կիլոմետր հեռավորության վրա։ Այլ կերպ ասած, երբ տարանցումը ձեռնտու է Թբիլիսիին, այդ գինը 20 անգամ ցածր է, քան Հայաստան տանող երթուղու համար առաջարկվողը։

Թարգմանությունը՝ Էմմա Չոբանյանի