19.08.2026 | 11:48
Ուկրաինայի ՊՆ նախկին ղեկավարն ընտրություններ անցկացնելու կոչ է արել և քննադատել իշխանություններին
Պուտինը ՀԱՊԿ երկրներին առաջարկել է կոլեկտիվ ուժերը ռուսական զինատեսակներով զինելու ծրագիր սկսել
Քաղաքականություն
27.11.2025 | 16:13
Ռուսաստանի նախագահ Վլադիմիր Պուտինն առաջարկել է ՀԱՊԿ-ի կոլեկտիվ ուժերը ժամանակակից ռուսական զինատեսակներով վերազինելու լայնածավալ ծրագիր սկսել։
«Մենք առաջարկում ենք սկսել կոլեկտիվ ուժերը ժամանակակից ռուսական զենքերով և սարքավորումներով զինելու մասշտաբային ծրագիր, որոնք ապացուցել են իրենց արդյունավետությունը իրական ռազմական գործողություններում։ Հենց այդ առանցքում մենք նախատեսում ենք կազմակերպել մի շարք համատեղ միջոցառումներ՝ զորամասերի և հատուկ ծառայությունների ստորաբաժանումների պատրաստման համար, ներառյալ կանոնավոր զորավարժությունների հաջորդ փուլերը՝ «Փոխգործակցություն», «Էշելոն» և «Որոնում»»,- ասել է նա ՀԱՊԿ Հավաքական անվտանգության խորհրդի ընդլայնված նիստի ժամանակ։
Պուտինն ընդգծել է, որ «կազմակերպության ավիացիոն ուժերի և ՀՕՊ համակարգի զարգացումը պահանջում է հատուկ ուշադրություն»։
ՌԴ նախագահը նաև ասել է, որ դեռ շատ անելիք կա՝ խաղաղապահ ուժերի գործարկման մեխանիզմները կատարելագործելու համար։
«Ռուսական նախագահության առանցքային առաջնահերթություններից մեկը տեսնում ենք մեր պետությունների համագործակցության զարգացումը ՀԱՊԿ-ի ռազմական ոլորտում տեխնոլոգիական առաջատարությունն ապահովելու համար, և հիմնական շեշտը մտադիր ենք դնել պաշտպանական արդյունաբերության ձեռնարկությունների միջև համագործակցության խորացման վրա»,- հայտարարել է ՌԴ նախագահը։
Թարգմանությունը՝ Էմմա Չոբանյանի
