16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Ուկրաինական ԱԹՍ-ները կրկին հարվածել են Նովոկույբիշևսկին․ ենթադրաբար, հարձակման է ենթարկվել «Ռոսնեֆտ»-ի գործարանը
Քաղաքականություն
27.11.2025 | 12:29
Ուկրաինական անօդաչու թռչող սարքերը նոյեմբերի լույս 27-ի գիշերը հարվածել են Սամարայի մարզի Նովոկույբիշևսկ քաղաքին։ Ենթադրաբար, հարձակման է ենթարկվել «Նովոկույբիշևսկի նավթավերամշակման գործարանը», որը պատկանում է «Ռոսնեֆտ»-ին, գրում է Current time-ը։
Supernova+ և Exilenova+ տելեգրամ ալիքները հայտնել են Նովոկույբիշևսկի վրա հարձակման մասին՝ հղում անելով ականատեսներին։
Ըստ ASTRA-ի վերլուծաբանների՝ Միչուրին փողոցից նկարահանված կադրերը ցույց են տալիս առնվազն երեք լուսարձակ՝ մեկը օդում՝ մոտավորապես 1,5 կմ բարձրության վրա, հորիզոնից վերև, մեկը՝ օդում, հավանաբար, Նովոկույբիշևսկի նավթավերամշակման գործարանից հարավ։
Տեղական իշխանությունները չեն մեկնաբանել հարձակումը։ Նոյեմբերի 27-ի առավոտյան Ռուսաստանի պաշտպանության նախարարությունը, սակայն, հայտնել է, որ Սամարայի մարզում խոցվել է 18 անօդաչու թռչող սարք։
Ուկրաինական անօդաչու թռչող սարքերը նոյեմբերի 16-ին արդեն հարվածել էին նավթավերամշակման գործարանին, որից հետո գործարանը դադարեցրել էր գործունեությունը։ Ավելի վաղ հարվածներ էին եղել սեպտեմբերին և հոկտեմբերին։
Ուկրաինան ռուսական նավթավերամշակման գործարանները համարում է օրինական թիրախներ, քանի որ դրանք նավթամթերք են մատակարարում ռուսական բանակին, իսկ «Ռոսնեֆտը» վերահսկվում է ՌԴ նախագահ Վլադիմիր Պուտինի մտերիմ դաշնակից Իգոր Սեչինի կողմից։
Թարգմանությունը՝ Էմմա Չոբանյանի
