24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
Մենք մեր գործողությունները կառուցում ենք ՀՀ շահերի հիմքի վրա, և դա վերաբերում է և՛ ԱՄՆ-ին, և՛ ՌԴ-ին, և՛ Իրանին․ Նիկոլ Փաշինյան. ՏԵՍԱՆՅՈՒԹ
Քաղաքականություն
01.11.2018 | 13:46
Ազգային ժողովի ՀՅԴ խմբակցության պատգամավոր Արմենուհի Կյուրեղյանն այսօր վարչապետի պաշտոնակատար Նիկոլ Փաշինյանից հետաքրքրվեց, թե նա ինչ տեսակետ ունի Ջոն Բոլթոնի՝ ԱՄՆ-Իրան հարաբերությունների և ՀՀ-ի քաղաքականության վերաբերյալ արված հայտարարությունների մասին։
Հարցին ի պատասխան՝ վարչապետի պաշտոնակատարն ասաց․ «Մենք հարգանքով ենք վերաբերվում յուրաքանչյուր երկրի ազգային և պետական շահերին, բայց ՀՀ-ն ունի իր ազգային և պետական շահերը, որոնք միշտ չէ, որ կարող են համընկնել այլ երկրների ազգային և պետական շահերի հետ։ ՀՀ-ն շարունակում է իր հարաբերությունները կառուցել այդ տրամաբանությամբ: Որևէ մեկը չկասկածի, որ մենք մեր գործողությունները կառուցում ենք ՀՀ շահերի հիմքի վրա, և դա վերաբերում է և՛ ԱՄՆ-ին, և՛ ՌԴ-ին, և՛ Իրանին»։
Նիկոլ Փաշինյանը նաև հավելեց, որ իր ղեկավարած Կառավարությունը պետք է առանձնահատուկ հարաբերություններ կառուցի Վրատանի և Իրանի հետ, և իր այս տեսակետը հստակ ձևակեպվել է նաև Ջոն Բոլթոնի հետ ունեցած իր հանդիպման ժամանակ։ «Սա եղել է իմ և ՀՀ Կառավարության դիրքորոշումը, և այն, իմ համոզմամբ, ԱՄՆ-ի համար եղել է պարզ և ընկալելի»,- ասաց նա։
Մանրամասները՝ տեսանյութում։
