10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Սուտ եք ասում․ Տիգրան Ավինյանը՝ Պեդրո Զարոկյանին․ ՏԵՍԱՆՅՈՒԹ
Քաղաքականություն
18.11.2025 | 11:12
Երևանի քաղաքապետարանում քննարկվում է Երևանի երթևեկության կառավարման կենտրոնի ստեղծման հարցը։ Նորաստեղծ հիմնարկը կստանձնի «Երևանտրանս» ՓԲԸ-ի գործառույթների մի մասը, ապագայում ավագանու քննարկմանը կներկայացվի նաև «Երևան տրանս» ՓԲԸ-ն լուծարելու մասին նախագիծ։
Զեկուցող փոխքաղաքապետ Սուրեն Գրիգորյանին հարցեր ուղղեց ավագանու անդամ Պեդրո Զարոկյանը։ Նա նշեց, թե տրանսպորտի վարչության պետ Վազգեն Հարությունյանը 2020 թվականին ԶԼՄ հրապարակումներից մեկից հետո քրեական գործով է անցնում կարմիր գծերի գումարներից 771 միլիոն դրամ հափշտակելու համար։
Հարցին Գրիգորյանի փոխարեն արձագանքեց քաղաքապետ Տիգրան Ավինյանը։ Նա խնդրեց, որպեսզի հարցերը քննարկվող նախագծի վերաբերյալ լինեն։
«Ձեր ֆանտազիաները, կոմպլեքսները, կամ որևէ բան, որը կապ չունի հարցի հետ… Ժողովուրդ ջան, այդ թատերական ներկայացման համար ելույթ կունենաք։ Այս անգամ թողնելու եմ` ինչ ուզում եք, եկեք խոսեք, ազատ ամբիոն է։ Բայց եթե հարց ենք քննարկում, եկեք հարցին վերաբերող հարցեր տվեք»,-նշեց նա։
Պեդրո Զարոկյանը փորձեց արձագանքել, սակայն քաղաքապետը նշեց, որ վերջինս սպառել է իր արձագանքելու հնարավորությունները, այնուհետև պնդեց, որ ավագանու անդամը ստում է։
«Ասում եք տրանսպորտի վարչության պետի հետ կապված քրեական գործ կա, սուտ եք ասում․․․Ձեր մասին էլ էին բաներ գրում, պարոն Զարոյան, ինչեր ասես»,-ավելացրեց Ավինյանը։
Մանրամասները՝ տեսանյութում։
