«Գոլդեն Սթեյթ Ուորիորզի» խաղարկող Ստեֆեն Քարին անցկացրել է հերթական տպավորիչ հանդիպումն ու կրկնել ամերիկացի լեգենդար բասկետբոլիստ Մայքլ Ջորդանի ռեկորդը։
«Սան Անտոնիո Սփյորսի» դեմ Բասկետբոլի ազգային ասոցիացիայի (NBA) կանոնավոր առաջնության հերթական խաղում Քարին վաստակել է 49 միավոր՝ օգնելով «Գոլդեն Սթեյթին» արտագնա հաղթանակի հասնել 109:108 հաշվով։
37-ամյա ամերիկացին Մայքլ Ջորդանից հետո պատմության մեջ երկրորդ բասկետբոլիստն է, որը 30 տարեկան դառնալուց հետո 44 անգամ 40 և ավելի միավոր է վաստակում մեկ խաղում։ Եվս մեկ նմանատիպ խաղ ունենալուց հետո Քարին կդառնա բացարձակ ռեկորդակիր։
