01.02.2026 | 12:10
Հարկային էլեկտրոնային համակարգերը որոշակի ժամանակ հնարավոր է լինեն անհասանելի․ ՊԵԿ
Պայմանավորված ՏԻՄ ընտրություններով՝ Վաղարշապատում տարածվում են կեղծ հաղորդագրություններ Ինդոնեզիայի համարներից. ԲՏԱ նախարար
Քաղաքականություն
14.11.2025 | 21:08
ԲՏԱ նախարար Մխիթար Հայրապետյանը տեղեկացրել է, որ ՏԻՄ ընտրություններին ընդառաջ Վաղարշապատի բնակիչները զանգվածաբար ստանում են կեղծ SMS-ներ՝ օտար, մասնավորապես Ինդոնեզիայի համարներից։ Նախարարի խոսքով՝ նման տեղեկությունները նպատակ ունեն մոլորեցնել քաղաքացիներին, ուստի անհրաժեշտ է առավել ուշադիր լինել տեղեկատվական հիգիենայի նկատմամբ։ Այս մասին ֆեյսբուքյան իր էջում գրել է ԲՏԱ նախարար Մխիթար Հայրապետյանը:
«Ինչպես գիտեք, նախընտրական ժամանակաշրջանում Հայաստանում ուժգնանում են զանազան տեղեկատվական բնույթի հարձակումները։ Հերթը հասավ Վաղարշապատ համայնքին՝ պայմանավորված ՏԻՄ առաջիկա ընտրություններով։
Վերջին ժամերին բազմաթիվ քաղաքացիներ ստանում են կեղծ հաղորդագրություններ (կցում եմ պատկերները), որոնք ուղղված են նախընտրական շրջանում մթնոլորտը պղտորելուն, քաղաքացիներին մոլորեցնելուն։ Եթե նկատեցիք, ուղարկողի համարը հայաստանյան չէ, Ինդոնեզիայի կոդ է։ Մանրուք է, սակայն միշտ պետք է նման մանրուքներին ուշադրություն դարձնել, որպեսզի սադրանքը չհասնի իր արդյունքին։
Տեղեկատվական հիգիենան բոլորիս համար է կարևոր»,- ասված է նախարարի գրառման մեջ։
