31.10.2026 | 18:27
Փոփոխություն կամավոր ատեստավորման կարգում. կսահմանվի 300 հազար դրամ դրույքաչափ. նախագիծ
Վլադիմիր Կարապետյանը հավատարմագրերն է հանձնել Սան Մարինոյի կապիտան-ռեգենտներին
Քաղաքականություն
13.11.2025 | 21:43
ՀՀ դեսպան Վլադիմիր Կարապետյանը համատեղության կարգով իր հավատարմագրերն է հանձնել Սան Մարինոյի Հանրապետությունում՝ կապիտան-ռեգենտներ Մատտեո Ռոսսիին և Լորենցո Բուլիին՝ ընդգծելով Հայաստանի և Սան Մարինոյի միջև մշակութային ու քրիստոնեական արժեքների վրա հիմնված բարեկամական կապերը։ Այս մասին տեղեկացնում են ՀՀ ԱԳՆ-ից։
«Հանձնման պաշտոնական արարողության ընթացքում Սան Մարինոյի կապիտան-ռեգենտներին փոխանցելով ՀՀ նախագահ Վահագն Խաչատուրյանի ջերմ ողջույնները՝ դեսպան Կարապետյանը նշել է, որ Հայաստանը և Սան Մարինոն կիսում են համամարդկային արժեքների առաջմղման ընդհանուր տեսլական և կապված են մշակութային, քաղաքակրթական և քրիստոնեական արժեքներով:
Սան Մարինոյում ՀՀ դեսպանը նաև հավաստիացրել է, որ կգործադրի ամեն ջանք երկու երկրների հարաբերությունների հետագա զարգացման և նոր մակարդակի բարձրացնելու ուղղությամբ:
Սան Մարինոյի կապիտան ռեգենտները շնորհավորեցին դեսպան Կարապետյանին՝ մաղթելով նրան հաջողություն իր առաքելության մեջ»,- ասված է հաղորդագրությունում:
