08.12.2025 | 22:05
ԵՄ յոթ երկրներ պնդում են Կիևին փոխհատուցման վարկ տրամադրելու հարցում
Առանց «Կողմ» և «Դեմ» կոճակների․ փոփոխություն՝ արդարադատության նախարարության «e-draft.am» կայքում
12.11.2025 | 16:00
Արդարադատության նախարարության իրավական ակտերի նախագծերի հրապարակման միասնական՝ «e-draft.am» կայքից հանվել են նախագծերի քվեարկության համար նախատեսված «Կողմ» և «Դեմ» կոճակները։ Նախկինում քաղաքացիները կարող էին քվեարկել և այդ կերպ արտահայտել իրենց վերաբերմունքը հրապարակված նախագծերի վերաբերյալ։
Factor.am-ը փորձեց պարզել, թե ինչու են կոճակները հեռացվել կայքից։ Արդարադատության նախարարի մամուլի քարտուղար Մարիամ Մելքումյանի խոսքով՝ այդ կոճակները ազդեցություն չէին ունենում արդյունքների վրա։
«Ինչպես «դեմ», այնպես էլ «կողմ» քվեարկելու տարբերակները զուտ մեխանիկական գործիքներ էին և հաճախ չէին արտացոլում նախագծի դրական կամ բացասական ազդեցությունը։ Օրինակ՝ միմյանց խնդրանքով էին քվեարկում «դեմ»»,- ասաց Մարիամ Մելքումյանը։
Նրա խոսքով՝ քաղաքացիները կարող են նախագծերիի վերաբերյալ կարծիքներ թողնել կայքում առկա առաջարկի դաշտում։
«Որպես հանրային քննարկման պատշաճ որակի ապահովման մեխանիզմ՝ կայքում ունենք առաջարկ ներկայացնելու մի շարք հնարավորություններ՝ կայքի միջոցով, նախագծի հեղինակի էլ. հասցեին, պետական մարմնի պաշտոնական էլ. հասցեին։
Որպես կարևոր գործիք՝ առկա է բոլոր առաջարկներին պարտադիր պատասխանելու պահանջ»,- նշեց Մելքումյանը։
Նախարարի մամուլի քարտուղարը հավելեց, որ եթե առաջարկին չեն պատասխանում 10 օրվա ընթացքում, համակարգը ծանուցում է ուղարկում, որպեսզի առաջարկները հրապարակվեն և հիմնավորվեն քաղաքացիների համար։
Արփի Հակոբյան
