19.08.2026 | 19:43
Արաղչին հայտարարել է, որ Իրանի պատերազմն ապացուցեց՝ արտաքին ուժերն ու բազաները չեն կարող անվտանգություն ապահովել
Էդուարդ Սպերցյանը` ՌՊԼ-ի առաջին շրջանի խորհրդանշական հավաքականում
11.11.2025 | 17:38
«Կրասնոդարի» կիսապաշտպան Էդուարդ Սպերցյանը WhoScored վիճակագրական կայքի վարկածով ընդգրկվել է Ռուսաստանի Պրեմիեր լիգայի առաջին շրջանի խորհրդանշական հավաքականում։
Հայաստանի ազգային հավաքականի ավագը ստացել է 7,5 միավոր, որը երկրորդ ամենաբարձր գնահատականն է թիմում։
Ռուսաստանի ընթացիկ առաջնությունում 25-ամյա կիսապաշտպանը 15 խաղում խփել է 6 գոլ ու կատարել 11 գոլային փոխանցում։ Գործող չեմպիոն «Կրասնոդարը» 33 միավորով առաջատարն է, նույնքան միավոր ունի նաև երկրորդ տեղում գտնվող Մոսկվայի ԲԿՄԱ-ն։ Լավագույն եռյակը եզրափակող Սանկտ Պետերբուրգի «Զենիթը» հավաքել է 30 միավոր։
Հիշեցնենք, որ այս օրերին Էդուարդ Սպերցյանը Հայաստանի հավաքականի կազմում պատրաստվում է Հունգարիայի և Պորտուգալիայի թիմերի դեմ ԱԱ-2026-ի ընտրական մրցաշարի F խմբի հանդիպումներին։ Եղիշե Մելիքյանի գլխավորած թիմը նոյեմբերի 13-ին Վազգեն Սարգսյանի անվան «Հանրապետական» մարզադաշտում կընդունի հունգարացիներին, իսկ 3 օր անց Պորտուի «Դրագաու» ստադիոնում վերջին տուրի խաղը կանցկացնի Պորտուգալիայի հավաքականի հետ։ Չորրորդ տուրից հետո ընտրական F խմբի առաջատարը Պորտուգալիայի հավաքականն է, որն ունի 10 միավոր։ Հունգարիան վաստակել է 5, Իռլանդիան՝ 4, իսկ խմբի հետնապահ Հայաստանը՝ 3 միավոր։
