19.08.2026 | 18:44
«Եթե տղամարդավարիով է, բա ինչի՞ պարոն Ղազինյանը դուրս գնաց, ասել էր` չեմ գնում». Ալեքսանյան․ ՏԵՍԱՆՅՈՒԹ
Պակիստանի մայրաքաղաքում դատարանի շենքի մոտ պայթյունի հետևանքով առնվազն 12 զոհ կա․ ՏԵՍԱՆՅՈՒԹ
Քաղաքականություն
11.11.2025 | 14:20
Պակիստանի մայրաքաղաք Իսլամաբադում տեղի ունեցած պայթյունի հետևանքով զոհվել է 12 մարդ, վիրավորվել՝ 20-ը։ Այս մասին լրագրողներին հայտնել է Պակիստանի բժշկական գիտությունների ինստիտուտի հիվանդանոցը, գրում է CNN-ը։
Պակիստանի անվտանգության աղբյուրը CNN-ին հայտնել է, որ երեքշաբթի վաղ առավոտյան քաղաքի Բարձրագույն դատարանի մոտ տեղի ունեցած պայթյունը հետաքննվում է որպես մահապարտի հարձակում։ Իսլամաբադ մուտք գործելու և դուրս գալու համար ձեռնարկվել են խիստ անվտանգության միջոցառումներ, և մայրաքաղաքում ստեղծվել են անվտանգության գոտիներ։ Պայթյունը տեղի է ունեցել քաղաքի մարդաշատ դատարանների համալիրի կայանատեղիում՝ բարձրաստիճան կառավարական մարմինների տարածքում։
Հարձակման պատասխանատվությունը դեռևս ոչ ոք չի ստանձնել, սակայն CNN-ին անվտանգության աղբյուրի տրամադրած հայտարարության մեջ պնդվում է, որ այն իրականացրել են Աֆղանստանի թալիբների և Հնդկաստանի հետ կապված զինյալները։
Այս հարձակումը տեղի է ունեցել Պակիստանի հյուսիս-արևմուտքում զինյալների կողմից կադետական քոլեջի վրա հարձակումից մեկ օր անց։
Թարգմանությունը՝ Էմմա Չոբանյանի
