09.06.2026 | 15:10
«Հայաստան» դաշինքը ՍԴ կդիմի // Քվեների վերահաշվարկ մի շարք ընտրատեղամասերում․ ԼՈՒՐԵՐ
Ձերբակալվել է 8 անձ. Արարատի մարզում խուզարկություններ են կատարվել
Հասարակություն
07.11.2025 | 19:50
Արարատի մարզում ոստիկաններն ու քննչական մարմինները համատեղ իրականացրած խուզարկությունների արդյունքում հայտնաբերվել է մեծ քանակությամբ ապօրինի զենք, զինամթերք և թմրամիջոցներ․ ձերբակալվել է ութ անձ։ Այս մասին տեղեկացնում են ՀՀ քննչական կոմիտեից։
«ՀՀ քննչական կոմիտեի Արարատի մարզային քննչական վարչությունում սպանության փորձի և հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառության հատկանիշներով նախաձեռնված քրեական վարույթի նախաքննության ընթացքում ՆԳՆ ոստիկանությունից ստացված տեղեկատվության հիման վրա՝ 2025 թվականի նոյեմբերի 7-ին ՆԳՆ ծառայողների հետ համատեղ կատարվել են մեկ տասնյակից ավելի խուզարկություններ, որոնց արդյունքում հայտնաբերվել է մեծ քանակությամբ ապօրինի զենք-զինամթերք, թմրամիջոց և այլն: Այս մասին տեղեկացնում են ՀՀ քննչական կոմիտեից:
Ձերբակալվել է 8 անձ»,- ասվում է հաղորդագրությունում:
Հաղորդագրության համաձայն՝ քրեական վարույթի նախաքննությունը շարունակվում է:
