19.08.2026 | 21:59
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Բաքուն ցանկանում է, որ «3+3» հարթակի հաջորդ հանդիպումն անցկացվի Ադրբեջանում
Քաղաքականություն
07.11.2025 | 15:59
Ադրբեջանը «3+3» տարածաշրջանային խորհրդակցական հարթակի հիմնական նախաձեռնողներից է և հանդես է գալիս այս ձևաչափով հաջորդ հանդիպումն իր մոտ անցկացնելու օգտին։ Այս մասին հայտարարել է Ադրբեջանի արտաքին գործերի նախարարության մամուլի ծառայության ղեկավար Այխան Հաջիզադեն։
«Ինչպես հայտնի է՝ Ադրբեջանը 3+3 տարածաշրջանային խորհրդակցությունների հարթակի հիմնական նախաձեռնողն է։ Այս մեխանիզմի շրջանակում, որը ստեղծվել է 2021 թվականի դեկտեմբերի 10-ին՝ Մոսկվայում, Թեհրանում և Ստամբուլում, արդեն տեղի է ունեցել երեք հանդիպում։ Անցյալ տարվա հոկտեմբերին Ստամբուլում կայացած վերջին հանդիպման ժամանակ մենք փորձեցինք վերջնական փաստաթղթում ներառել Ադրբեջանի և Հայաստանի միջև հետագա հանդիպումների հետևողական կազմակերպման վերաբերյալ դրույթ, սակայն հայկական կողմը դեմ էր։ Մենք կարծում ենք, որ հաջորդ հանդիպումը պետք է անցկացվի Ադրբեջանում»,- ասել է Հաջիզադեն։
Ըստ նրա՝ լուրջ նախապատրաստական աշխատանքների և հանդիպման օրակարգի ձևավորման անհրաժեշտությունը նույնպես մնում է կարևոր հարց։
«Բացի այդ՝ բազմիցս ընդգծվել է, որ հարթակը նախատեսված է ոչ միայն ադրբեջանա-հայկական հարցերի կամ Հարավային Կովկասի խնդիրների քննարկման համար. այն պետք է ներառի բոլոր մասնակից երկրների մտահոգությունները։ Հենց այդ պատճառով էլ ստեղծվել է այս մեխանիզմը»,- հավելել է Ադրբեջանի ԱԳ ներկայացուցիչը։
Թարգմանությունը՝ Էմմա Չոբանյանի
