31.10.2026 | 22:55
Հայտնաբերվել է զինծառայողի դի. ՊՆ
Հնդկաստանի պատվիրակության հետ քննարկվել են պաշտպանական արդյունաբերության ոլորտում գործակցության հնարավորությունը
Քաղաքականություն
06.11.2025 | 22:37
Հայաստանի և Հնդկաստանի պաշտպանության ոլորտի ներկայացուցիչները քննարկել են ռազմարդյունաբերության ոլորտում համագործակցության ընդլայնման հնարավորությունները, այդ թվում՝ համատեղ հետազոտական ծրագրերի իրականացման և արտադրական ներուժի զարգացման ուղղություններ։ Այս մասին հայտնում են ԲՏԱ նախարարությունից՝ նշելով, որ ԲՏԱ նախարարի առաջին տեղակալ Գևորգ Մանթաշյանը և Ռազմարդյունաբերության կոմիտեի նախագահ Արամ Ջիվանյանն ընդունել են Հնդկաստանի ՊՆ պաշտպանական արտադրանքի վարչության (ռազմարդյունաբերության խթանման) միացյալ քարտուղար Ամիտ Սաթիջայի գլխավորած պատվիրակությանը։
Հանդիպման ընթացքում կողմերն անդրադարձել են պաշտպանական արդյունաբերության ոլորտում համագործակցության հնարավորություններին՝ ընդգծելով փոխադարձ ռազմավարական հետաքրքրություն ներկայացնող ուղղությունները։ Միաժամանակ քննարկվել է երկու երկրների ռազմարդյունաբերության ընկերությունների միջև բիզնես կապերը խթանելու և գործնական համագործակցությունը զարգացնելու հնարավոր ուղիները:
Ամփոփելով հանդիպումը՝ երկուստեք կարևորել են համատեղ հետազոտական ծրագրերի իրականացման և արտադրական ներուժի զարգացման հնարավորությունները:
