07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
ՌԴ-ն Ադրբեջանով Հայաստան կուղարկի ևս 132 վագոն ցորեն
Տնտեսություն
06.11.2025 | 11:53
Մինչև 2026 թվականի հունվարի վերջ Ռուսաստանը ցորենով լի ևս 132 երկաթուղային վագոն կուղարկի Հայաստան՝ Ադրբեջանի միջով անցնող նոր երկաթուղային երթուղով։ Ուսումնասիրվում է այս երթուղով այլ կատեգորիաների բեռներ տեղափոխելու հնարավորությունը, հայտարարել է Ռուսաստանի տրանսպորտի նախարարությունը։
Ռուսաստանը երկաթուղով Ադրբեջանի միջոցով Հայաստան է հասցրել հացահատիկի առաջին խմբաքանակը։ Հաղորդվում է, որ «Ռուսական երկաթուղիները» կազմակերպել է ավելի քան 1000 տոննա ցորենի փոխադրում Ուլյանովսկի մարզի Դիմիտրովգրադ կայարանից դեպի Հայաստան՝ Դալարիկ կայարան։
«Մինչև 2026 թվականի հունվարի վերջը այս երթուղով նախատեսվում է ուղարկել ցորենով ևս 132 երկաթուղային վագոն։ Քննարկվում են նաև այլ բեռների կատեգորիաների տեղափոխումները»,- ասվում է հայտարարության մեջ։
Նշվում է, թե նոր լոգիստիկ երթուղին հնարավոր է դարձել Ադրբեջանով Հայաստան բեռների տարանցման վերսկսման շնորհիվ։
«Սա առաջին նման բեռնափոխադրման դեպքն է 1990-ական թվականներից ի վեր»,- ընդգծել է ՌԴ տրանսպորտի նախարարությունը։
Հիշեցնենք, որ ռուսական ցորենով բեռնված գնացքը (15 վագոն) արդեն ժամանել է Հայաստան՝ անցնելով Ադրբեջանի և Վրաստանի տարածքով։
Թարգմանությունը՝ Էմմա Չոբանյանի
