05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Տղամարդը դանակահարել է նախկին կնոջը, որը ստացած վնասվածքների հետևանքով մահացել է. ՆԳՆ
Հասարակություն
05.11.2025 | 20:16
Երևանում կենցաղային վեճը ողբերգական ավարտ է ունեցել․ տղամարդը դանակահարել է իր նախկին կնոջը, որը մահացել է ստացած վնասվածքներից։ Կասկածյալը փախուստի չի դիմել և տեղափոխվել է Համայնքային ոստիկանության Շենգավիթի բաժին։ Այս մասին տեղեկացնում են ՆԳՆ ոստիկանությունից։
«Նոյեմբերի 5-ին՝ ժամը 18.29-ին, Ոստիկանության օպերատիվ կառավարման կենտրոն է զանգահարել մի քաղաքացի և հայտնել, որ քաղաք Երևանի Եղիշե Թադևոսյան փողոցի հասցեներից մեկում տեղի է ունեցել դանակահարություն։
Դեպքի վայր մեկնած ոստիկանները պարզել են, որ նախկին ամուսինը դանակահարել է նախկին կնոջը, որն էլ ստացած մարմնական վնասվածքների հետևանքով մահացել է։
Ըստ նախնական տեղեկությունների՝ նախկին ամուսինների միջև ծագել է կենցաղային բնույթի վեճ։
Կասկածյալը փախուստի չի դիմել, տեղափոխվել է Համայնքային ոստիկանության Շենգավիթի բաժին։ Հանգամանքները պարզվում են»,- ասվում է հաղորդագրությունում։
