14.07.2026 | 20:30
«Հոգով հարուստ» մարդը․ դատարանը Գագիկ Բեգլարյանի գործով առաջին վճիռն է կայացրել․ ՏԵՍԱՆՅՈՒԹ
Երեխաներն անխնամ ու տրավմատիկ վիճակում են եկել ՀՕՖ․ Միրա Անտոնյանը՝ սպանված Տիգրանի եղբայրների ու քրոջ մասին
Հասարակություն
05.11.2025 | 16:19
Երեխաները եկել են անխնամ վիճակում, զգացվում է, որ առանձնապես որակյալ խնամք չեն ունեցել։ Այս մասին Factor.am-ի հետ զրույցում ասաց ՀՕՖ-ի Մարդիգյան երեխաների պաշտպանության կենտրոնի գործադիր տնօրեն Միրա Անտոնյանը։
«Հիմա կամաց-կամաց կսկսենք մասնագիտական աշխատանքները երեխաների հետ, մինչև հասկանանք՝ ինչ պիտի լինի հաջորդ քայլը։ Երեխաները դեռ պիտի ադապտանան նոր միջավայրում»,- ասաց Անտոնյանը։
Նրա խոսքով՝ բոլոր երեխաներն են տրավմատիկ ու կաշկանդված վիճակում։ Երեխաներից ամենամեծը 12, իսկ ամենափոքրը 5 տարեկան է։
Հիշեցնենք, որ Ծափաթաղում սպանված 3-ամյա Տիգրանի քույրը և երեք եղբայրները երեկ երեկոյան են տեղափոխվել ՀՕՖ-ի երեխաների աջակցության կենտրոն․ Գեղարքունիքի մարզպետարանում խնամակալության ու հոգաբարձության հանձնաժողովի նիստում է այդպես որոշվել։
Թե երեխան որքան ժամանակ կմնա աջակցության կենտրոնում, դեռևս հայտնի չէ․ ըստ Գեղարքունիքի մարզպետարանի առողջապահության և սոցիալական հարցերի վարչության գլխավոր մասնագետ Մամիկոն Գալոյանի՝ դա կախված է իրավիճակից ու զարգացումներից։
Նշենք, որ 3-ամյա Տիգրան Օվանեսովի դին հայտնաբերվեց կիրակի՝ Ծափաթաղից մի քանի կմ հեռու Ջիլ գյուղի դաշտամիջյան հատվածում։ Երեխային, ըստ իրավապահների, հայրն է խեղդամահ արել։
Արփի Հակոբյան
