16.09.2026 | 19:14
Համաշխարհային օլիմպիադա. Շախմատի Հայաստանի հավաքականները մեկնարկեցին հաղթանակով
«3+3» հարթակի աշխատանքի վերսկսումը կարևոր է․ Շոյգու
Քաղաքականություն
05.11.2025 | 14:31
Հարավային Կովկասի տարածաշրջանում իրավիճակը բարելավման միտում ունի, և «3+3» հարթակի խորհրդատվական-տարածաշրջանային խմբի աշխատանքի վերսկսումը կարևոր է խաղաղության գործընթացի առաջխաղացման համար։ Այս մասին հայտարարել է Ռուսաստանի Անվտանգության խորհրդի քարտուղար Սերգեյ Շոյգուն, փոխանցում է ՏԱՍՍ-ը։
«Ընդհանուր առմամբ, Հարավային Կովկասում իրավիճակն ունի բարելավման նշաններ։ Միևնույն ժամանակ, մենք կարծում ենք, որ խաղաղության գործընթացը պետք է ունենա, առաջին հերթին, տարածաշրջանային չափումներ։ Այս համատեքստում կարևոր է վերսկսել խորհրդատվական և տարածաշրջանային խմբի 3+3 հարթակի աշխատանքը»,- նշել է նա Մոսկվայում անցկացված ԱՊՀ անդամ պետությունների Անվտանգության խորհրդի քարտուղարների 13-րդ նիստում։
Շոյգուն ընդգծել է, որ տարածաշրջանում տրանսպորտի և հաղորդակցության ապաշրջափակումը մեծ կարևորություն ունի, որի վերաբերյալ համաձայնությունը ձեռք է բերվել եռակողմ աշխատանքային խմբի շրջանակներում։
ԱՊՀ Անվտանգության խորհրդի քարտուղարների հանդիպումը եզրափակում է «Ռուսաստանի և ԱՊՀ ժողովուրդներ» միջազգային փառատոնը, որը տեղի է ունենում Մոսկվայում հոկտեմբերի 31-ից նոյեմբերի 5-ը։
Թարգմանությունը՝ Էմմա Չոբանյանի
