05.06.2026 | 12:02
«Հիանալի կլիներ, եթե նրանք հանդիպեին». Թրամփը` Պուտինին ուղղված Զելենսկիի նամակի մասին
Աշխարհի գավաթ․ Հայ շախմատիստներից հաղթել է միայն Լևոն Արոնյանը
05.11.2025 | 11:50
ՖԻԴԵ-ի շախմատի աշխարհի գավաթի երկրորդ խաղափուլի առաջին խաղում Հայաստանը ներկայացնող բոլոր գրոսմայստերները ոչ-ոքի են ավարտել իրենց հանդիպումները:
Գաբրիել Սարգսյանը մրցել է Իսրայելը ներկայացնող գրոսմայստեր Մաքսիմ Ռոդշտեյնի հետ, Շանթ Սարգսյանը՝ պերուացի գրոսմայստեր Ջորջ Կորիի, Ռոբերտ Հովհաննիսյանը՝ հնդիկ գրոսմայստեր Ռաունակ Սադհվանիի, իսկ Հայկ Մարտիրոսյանը՝ ՖԻԴԵ-ն ներկայացնող գրոսմայստեր Վլադիսլավ Արտեմևի: Գաբրիել Սարգսյանը հանդես է եկել սև խաղաքարերով, իսկ մյուսները՝ սպիտակներով։
Հայ շախմատիստներից մրցաշարին մասնակցում են նաև ԱՄՆ-ը ներկայացնող գրոսմայստերներ Լևոն Արոնյանը և Սամուել Սևյանը: Արոնյանը սպիտակ խաղաքարերով հաղթել է Հնդկաստանը ներկայացնող միջազգային վարպետ Արոնյակ Գոշին, իսկ Սևյանը սպիտակ ֆիգուրներով ոչ-ոքի է խաղացել Սինգապուրը ներկայացնող գրոսմայստեր Թին Ջինյաոյի հետ:
Մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր խաղափուլում մասնակիցները խաղում են երկու դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
