Ծաղկահովիտ-Ապարան ավտոճանապարհի 16-րդ կմ-ին բախվել են Mercedes-Benz, GAZ մակնիշների ավտոմեքենաները և Volvo մակնիշի բեռնատարը․ Mercedes-Benz մակնիշի ավտոմեքենայի վարորդը տեղում մահացել է։ Այս մասին տեղեկացնում են ՆԳՆ Փրկարար ծառայությունից։
«Մինչ փրկարարների կանչի վայր հասնելը՝ GAZ մակնիշի ավտոմեքենայի վարորդը և չորս ուղևոր հոսպիտալացվել են բժշկական կենտրոն։ Հոսպիտալացման ճանապարհին ուղևորներից մեկը մահացել է։
Փրկարարները հոսանքազրկել են ավտոմեքենաները, փակել գազի բալոնների փականները, Mercedes-Benz մակնիշի ավտոմեքենայի վարորդի դին դուրս բերել արգելափակումից և մոտեցրել շտապօգնությանը»,- ասված է հաղորդագրությունում։
