Հասարակություն
04.11.2025 | 15:47Կենտրոնական բանկն անընդհատ միջոցառումներ է ձեռնարկում ֆինանսական զեղծարարությունների դեմ, ուսումնասիրում է բանկերի հետ կապված գործերը։ Այս մասին այսօր ասուլիսում հայտարարեց Կենտրոնական բանկի նախագահ Մարտին Գալստյանը՝ նշելով, որ ՀՀ վարկային պորտֆելը հասնում է 7 տրլն դրամի։
«Չկա երկիր, որտեղ ֆինանսական համակարգում, որ ունի բազմաթիվ ռիսկեր, այդ տիպի դեպքեր չլինեն։ Մեր նպատակն է նման դեպքերի քանակը հասցնել մինիմալի, փորձենք ինստիտուցիոնալ լուծումներ տալ»,- ասաց Գալստյանը։
Նա ներկայացրեց դեպք, երբ կեղծել են իր տեղակալի ստորագրությունը ռուսերենով, դրել են սոցիալական ապահովության ինչ-որ հիմնադրամի կնիք։ ԿԲ նախագահը կոչ արեց պահպանել «հիգիենայի» կանոնները և լինել կասկածամիտ առցանց շփումների ժամանակ։
Գայանե Խաչատրյան
