19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Նոր քրեական հետապնդում չի հարուցվում, փոփոխվում է արարքի իրավական գնահատականը․ Քոչարյանի գործով մեղադրող․ ՏԵՍԱՆՅՈւԹ
Քաղաքականություն
03.11.2025 | 13:41
Հակակոռուպցիոն դատարանում Ռոբերտ Քոչարյանի և մյուսների գործով դատական նիստերի մեկնակից ավելի քան 1 տարի անց այսօր դատարանը որոշեց թույլատրել Քոչարյանին և մյուսներին վերագրվող արարքի իրավական գնահատականը։
Մինչ այդ հանրային մեղադրող Հայկ Հովհաննիսյանն անդրադարձավ այն հարցերին, որոնց անդրադարձել էին Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի պաշտպանները։
Անդրադառնալով հարցին, որ Սեյրան Օհանյանի և Արմեն Գևորգյանի նկատմամբ նոր քրեական հետապնդում հարուցելուց առաջ պետք է հաղթահարել նրանց պատգամավորական անձեռնմխելիությունը՝ Հայկ Հովհաննիսյանն ասաց, որ նրանց նկատմամբ նոր քրեական հետապնդում չի հարուցվում, փոփոխվում է նրանց արարքի իրավական գնահատականը։
Նշենք, որ 2008 թվականի մարտի 1-ի իրադարձությունների առթիվ Քոչարյանին և մյուսներին 2018-ին մեղադրանք է ներկայացվել այն ժամանակ գործող քրեական օրենսգրքի 300․1 հոդվածով, սակայն հետագայում այս հոդվածը հակասահմանադրական է ճանաչվել և ամբաստանյալների նկատմամբ հետապնդումը դադարեցվել։
Վճռաբեկ դատարանը, սակայն, 2024-ի սեպտեմբերին բեկանել է կարճման որոշումն ու գործն ուղարկել առաջին ատյանի դատարան՝ նոր քննության։ Այժմ դատարանում քնվող գործող հանրային մեղադրողները միջնորդել են Քոչարյանի և մյուսների արարքը որակել պաշտոնատար անձի կողմից իշխանական կամ ծառայողական լիազորությունները չարաշահելու հոդվածով։
Մանրամասները՝ տեսանյութում
Արաքս Մամուլյան
