04.08.2026 | 14:32
Տոկաևը շնորհավորական ուղերձ է հղել Փաշինյանին
Ըստ ՆԳ նախարարի՝ 3-ամյա Տիգրանին, նախնական տվյալներով, հայրն է խեղդամահ արել․ ՏԵՍԱՆՅՈՒԹ
Հասարակություն
03.11.2025 | 12:46
«Նախնական տվյալներով՝ ունենք սպանություն, երեխայի հայրը խեղդամահ անելու ճանապարհով սպանել էր փոքրիկին»,- լրագրողների հետ ճեպազրույցի ժամանակ ասաց ՆԳ նախարար Արփինե Սարգսյանը՝ անդրադառնալով Ծափաթաղում կորած, իսկ երեկ մահացած հայտնաբերված 3-ամյա երեխայի դեպքին։
Նախաքննական գաղտնիքից ելնելով՝ նախարարն այս պահին այլ մանրամասներ չհայտնեց.
«Այս վարկածը, իմ թիվս այլնի, առաջին օրվանից եղել էր մեր ուսումնասիրությունների շրջանակում։ Առողջական խնդիրներ ունեցող եղբայրն առաջին իսկ օրվանից նման ռեակցիաներ էր ցույց տալիս, ներգրավել էինք նաև հատուկ մասնագետներ, որոնք աշխատում էին երեխայի հետ։ Շատ նախնական տվյալներով՝ երկու եղբայրները դուրս են եկել տանից, հետո հորն են հանդիպել, որտեղ հայրը, խեղդելու ճանապարհով, սպանել էր երեխային։ Հայրը նշել էր, որ դեպքը որոշակի ներընտանեկան հարցադրման շրջանակներում է վրա հասել»,- նշեց Սարգսյանը։
Հիշեցնենք՝ Նխնոյեմբերի 2-ին՝ ժամը 15-ի սահմաններում, Ծափաթաղ բնակավայրի հարակից դաշտամիջյան հատվածում, փրկարարները հայտնաբերել էին հոկտեմբերի 27-ից որոնվող Տ․ Օ․- ի (ծնված 2022 թ․) դին։ Նշանակվել են փորձաքննություններ, այս մասին Factor TV-ին հայտնում են ՆԳՆ ոստիկանությունից։
Որոնաղափրկարարական աշխատանքներին ներգրավված էին ՆԳՆ ոստիկանական և փրկարարական մեծաթիվ ուժեր։ Օգտագործվել են անօդաչու թռչող սարքեր և տեխնիկական այլ միջոցներ։ Կատարվում է նախաքննություն։ Տիգրանի ազգականները Factor TV-ի հետ զրույցում կարծիք էին հայտնել, որ երեխան կա՛մ մոլորվել է, կա՛մ գողացել են։
Մանրամասները՝ տեսանյութում։
